Դդմանանկարչություն․Հայկական զարդանախշեր

Ազգագրական փառատոնի ընթացքում սովորողները ծանոթացան հայկական զարդանախշերին և այդ նախշերով պատկերազարդեցին դդումները։

ԴԴմանախշեր

<<Ազգագրական փառատոնի>> և <<ԴԴմածես >> նախագծի շրջանակում սովորողների հետ ծանոթացանք հայկական զարդանախշերին և Paint ծրագրով նկարեցինք դդումներ՝ հայկական զարդանախշերով։

Հայկական զարդանախշեր

Նախագիծը Ալիս Գևորգյանի բլոգից

Ճամբարի ընթացքում իրականացվող նախագծեր՝

Ազգագրության փառատոնի շրջանակում`

Մասնակիցներ՝ Տարատարիք ճամբարականներ

Միջավայր

Հյուսիսային դպրոցի Վիգեն Ավետիսի քանդակի դպրոց Artասահման, բակ։

Բովանդակություն

Ճամբարականների հետ Ազգագրական ձմեռային փառատոն 2022 թ-ին ընդառաջ կծանոթանանք հայկական զարդանախշերին։

Ուսումնասիրելուց հետո կավի միջոցով կներկայացնել ազգայինը։ Պատրաստելով կախազարդեր, կիրառական իրեր, հարթաքանդակներ ազգային էլեմենտներով

Նպատակ

Մասնակցություն Ազգագրական ձմեռային փառատոն 2022 թ-ին

Վերջնարդյունք

Ամբողջ գործընթացը կներկայացվի  էլեկտրոնային հարթակում։

Տիկնիկագործություն. նախագիծ

Նախագիծը Տաթև աթոյանի բլոգից

Մասնակիցներ՝ 4-5-րդ դասարաններ, 1-3-րդ դասարաններ

ժամանակահատվածը՝ հունվար

Նախագծի ընթացքում պատրաստելու ենք տիկնիկներ տարբեր տեխնիկաներով՝ պապյե- մաշե, թելեր, փայտյա գդալներ, կտորներ: Սովորողնորը կծանոթանան հայկական ծիսական տիկնիկներին (Ուտիս տատ,Պաս պապ, Ակլատիզ, Նուրի), ժողովրդական ավանդույթներին, զարդանախշերին:

Աշխատանքի ընթացքում՝

էսքիզների մշակում, զարդանախշերի ուսումնասիրություն,
ծիսական, թատերական տիկնիկների պատրաստում
կոմպոզիցիայի կառուցում(ծավալ, ձև, չափ, գույն և այլն):
գունային լուծումներ
 
Արդյունքում՝

Պատրաստված տիկնիկները կօգտագործենք տոներ-ծեսերի, թատերական ներկայացումների ժամանակ,
կներկայացվի ցուցահանդես-տոնավաճառներում
կստեղծվի Նախագծային ֆոնդ:
Անհրաժեշտ նյութեր՝
կտորներ (տարբեր տեսակի, գույնի), թելեր, սոսինձ, փայտյա գդալներ:
 
  տեսանյութեր՝ 

«Ակլատիզ»՝ Մեծ պահքի ծիսական տիկնիկ
Հայկական ծիսական տիկնիկներ
Ծիսական տիկնիկներ
Տիկնիկներ

Ազգագրական փառատոն․Տիկնիկագործություն․Փուլ 1-ին

Հունվարի 14-ին  «Աստղիկներ» ջոկատի հետ հանդիպում ունեցան Ավագ դպրոցի սովորողները, ովքեր Ազգագրական փառատոնի շրջանակում սովորեցրեցին տիկնիկներ պատրաստել։Ընթացքը շարունակոլու ենք նաև հաջորդ շաբաթ ընկեր Տաթևի հետ միասին։

Ավելին տեսանյութում՝

Ազգագրական փառատոն․ պարում ենք միասին

Ազգագրական փառատոնի շրջանակներում «Սովորող-սովորեցնող» նախագծով այսօր «Հասկեր» ջոկատը պարային հանդիպում ունեցավ «Աստղիկներ» ջոկատի անդամների հետ։ Սովորեցինք Լորկե, Խամխամա պարերը։

Ընկեր Լիանան նեկայացրեց պարերի քայլերը, հաջորդականությունը և պատմությունը։Սովորողները շատ լավ պարեցին։Երկրորդ հանդիպումը կլինի հաջորդ շաբաթ։

Ազգային պարերի, խաղերի ուսուցում

Ձմեռային ազգագրական փառատոնի շրջանակներում համագործակցություն 3․3 ջոկատի հետ

Վայրը՝ Հյուսիսային դպրոց-պարտեզ

Ժամանակահատվածը՝ Հունվար

Նպատակ

  • ծանոթացում ազգային պարերին, խաղերին
  • ազգային մշակույթի յուրացում, տարածում
  • ճաշակի զարգացում

Խնդիրներ

  • ազգային պարերի ուսուցում, կատարում
  • մոռացված խաղերի վերհանում, յուրացում
  • խաղերի  տեսագրում, ձայնագրություն

Ընթացքը՝ սովորողները կծանոթանան պարաքայլերին, տեղեկություններ կստանան պարի ծագման, նշանակության մասին։ Պարի ուսուցումը կավարտենք ազգային խաղերով։

Արդյունքը՝ պարերի, պարերգերի, երգերի տարածում ճամփորդությունների, հանդիպումների ընթացքում

Ուսուցանվող պարեր `

Խաղեր՝

  • Կլոր էշ
  • Զորի- զորի
  • Տզզ

Ազգային խաղեր

Ազգագրական փառատոնին ընդառաջ 1․1 և 1․2 դասարանների սովորողները ընկեր Ջուլիի հետ խաղացին ազգային խաղեր։