Տևողությունը՝մարտի 15-ից ապրիլի 4-ը:
Նպատակը՝ Սուրբ Հարության տոն թեմաների շուրջ նախագծային գործունեություն իրականացնելով՝ սովորողները ձեռք կբերեն նոր կարողություններ, հմտություններ և գիտելիքներ.

Խնդիրները՝

• բանավոր և գրավոր խոսքի զարգացում,
• ստեղծագործական երևակայության զարգացում,
• տեխնոլոգիական հմտությունների զարգացում,
• ուսումնասիրելու, դիտարկելու հմտությունների զարգացում։

Զատկական երգեր

Ածիկացան՝ Ածիկի համար անհրաժեշտ նյութերի ցանկը՝ բամբակ, ցորեն, ոսպ, ափսեկամ բաժակ, ջուր:

Զատիկի տոնից երկու շաբաթ առաջ ցանում եքն ածիկը ( ոսպ, ցորեն): Առաջին օրից սկսած կատարում ենք դիտարկումներ: Թվային ֆոտոխցիկով նկարում են առաջին ծիլերը, կատարում չափումներ:
Տեխնոլոգիա՝ գունավոր թղթերով պատրաստում ենք ճուտիկներ, զատիկներ, դատարկ ձվիկներից՝ զատկական հերոսներ, գուաշով գունավորում:
Մեդիատեխնոլոգիա– Համակարգչային Paint ծրագրով նկարում ենք ձվիկներ, զատկական նկարներ:
Մաթեմատիկա-Սովորողները հորինում են զատկական թեմաներով խնդիրներ, առաջադրանքներ
Լեզվագործունեություն-Սովորողները հորինում են զատկական հանելուկներ, ակրոստիքոսներ,  զատկական ձվիկի մասին հեքիաթներ:
Զատկական խաղեր՝  ձու կռվեցնելն՝ ծայրերը (քթերը) միմյանց խփելու եղանակով: Սեղմելով ձվի ամրությունը փորձելու, ձուն դիպուկ գլորելու խաղեր:
Բնագիտություն՝ ԻՆՉՊԵՍ ՁՈՒՆ ԿԱՆԳՆԵՑՆԵԼ
Փորձի նկարագրությունը.
Եթե եփած ձուն պտտացնենք իր երկար առանցքի շուրջը՝ ձուն, հոլի նման, որոշ ժամանակ կանգնած կմնա իր բութ կամ նույնիսկ սուր ծայրի վրա:

Կարելի է մրցել՝ հում ձու-հոլը ավելի երկար կպտտվի:

Զատկական ասիկներ

• Ունեցողի համար ամեն օր Զատիկ է:
• Կարմիր ձուն Զատկին կսազե:
• Կարմիր ձու տուր, կարմիր օր տամ:
• Զատիկը առանց ձվի չի լինի:
• Զատկից հետո կարմիր հավկիթ:
• Փիս մարդը Զատկին էլ փիս կլինի:
• Գժի համար ամեն օր Զատիկ է:
• Զակտե Զատիկ է՜, նավակատիկ է՜, չամչի հատիկ է՜:
• Զատիկն ավելի շուտ եկավ, քան նավակատիկը: