Օրեր առաջ Հյուսիսային դպրոցի 2․1 և 3․3 դասարանի սովորողները Արագածոտնի մարզի Օհանավան գյուղում մասնակցեցին խնձորի բերքահավաքին։ Բերքահավաքի արդյունքում ձեռք բերած քաղցրահամ խնձորից այսօր պատրաստեցինք չիր։Ավելին՝ տեսանյութում:

«Կոմիտասյան օրեր» նախագծի շրջանակում իրականացվում է կոմիտասյան երգերի չելենջ։

Անվանումը` կոմիտասյան երգերի չելենջ

Ժամանակահատվածը` հոկտեմբերի 5-10-ը

Մասնակիցները ` Հյուսիսային դպրոցի «Իմացումի հրճվանք» ծրագրի 2-րդ տարվա սովորողներ, ծնողներ։

Նպատակը` Կոմիտասի ստեղծագործությունների յուրացում , տարածում , ծափ ու զարկի, մատնախաղերի, շարժախաղերի օգնությամբ , նաև խթանել մեդիակրթությունն ու ընտանեկան դպրոցի ակտիվ մասնակցությունը։

Ընթացքը

Սանն իր ընտանիքում ընտանիքի անդամների հետ կներկայացնի կոմիասյան երգերից որևէ մեկը ծափերի, ոտքով դոփյունի, թռիչքների ու մատնախաղերի միջոցով։ Երգը ներկայացնելոց հետո չելենջը կփոխանցի դասընկերներից մեկին։ Դա հնարավորություն է տալիս ավելի պատկերավոր ու հավեսով , յուրահատուկ մոտեցմամբ հանդես գալ։ Մեթոդը խթանելու է նաև ընտանիք ֊պարտեզ համագործակցությանը, երգուսուման հավես խաղին միանալու, ինչպես նաև ազգային երգի տարածմանը։

Ուսումնական մառան նախագծի շրջանակում 3․2 և 2․1 դասարանի սովորողները միասին եղան Օհանավան գյուղում՝ տիկին Հռիփսիմեի այգում։

Արևոտ, մրգառատ ու գունեղ աշուն ապրեցինք այսօր։ Օհանավան գյուղում մեզ շատ ջերմ ընդունեցին, հյուրընկալվեցինք տիկին Հռիփսիմեի տանը, ով տանձով, խնձորով, խաղողով, դեղձով լի այգին վստահեց մեզ։ Ավելին՝ տեսանյութում

«Ուսումնական մառան» նախագծերի շրջանակներում հոկտեմբերի 7-ին արշավում ենք դեպի Արագածոտնի մարզ գ․Կարբի, Օհանավան

Մեկնում` հոկտեմբերի 7, ժամը՝ 10։00 Հյուսիսային դպրոց-պարտեզ

Վերադարձ՝ ժամը 15։00-ին Հյուսիսային դպրոց-պարտեզ

Մասնակիցներ՝ Հյուսիսային դպրոց-պարտեզ 2․1 և 3․3 դասարան

Պատասխանատուներ՝ Սրբուհի Ներսիսյան,Լիանա Ռոզիկյան, Նարինե Պողոսյան

Փուլ 1-ին

• Այցելություն Արագածոտնի մարզ գ․ Կարբի
• Աշնանային գյուղատնտեսական աշխատանքների մասնակցում,
• խնձորի բերքահավաք,
• խնձորի չրի, ջնարակի պատրաստման ավանդական բաղադրատոմսեր
• աշխատանքի ընթացքում գյուղացիների հետ հարցազրույցների վարում, հաղորդակցում ու լուսաբանում: