Մարմնամարզության ստուգատես

Հանրակրթական ամենամյա 7-րդ Մարզական ստուգատեսը , մարզական հմտությունների կիրառմամբ ուսուցման կազմակերպման, յուրացման, ինքնաուսուցման ամենամյա բաց ստուգատես է, որին կարող է մասնակցել ցանկացած ոք:Ստուգատեսին մասնակցելու համար պետք է տիրապետել մարզական հմտությունների, վարել առողջ ապրելակերպ: 

Նպատակը՝ 
Մարզական ամենամյա ստուգատեսը ուսումնական նախագիծ է, որի նպատակը հանրակրթության մեջ ուսուցիչների, սովորողների խմբի հեղինակային, ստեղծագործական մարզական փորձի ներկայացումն ու տարածումն է։  Այն խրախուսում է ինքնակրթության բոլոր տարբերակներն ու մանկավարժական ճկուն մտքի նորարար մեթոդները, խթանում է դրանց տարածումը և կիրառությունը։

Մարզական ստուգատեսի ժամանակացույց 2022

Օրը` Հունվարի  26

Ժամը` 10․00-10․45

Մասնակիցները՝ 2․1 ջոկատի ճամբարականներ  

Վայրը՝«Մխիթար Սեբաստացի» կրթահամալիրի մարմնամարզության մեծ սրահ

 Ստուգատեսի մասնակիցները պետք է կարողանան կատարել ստուգատեսի համար նախատեսված վարժությունների նորմատիվները՝

Մարմնամարզական ստուգատեսի համար տրվող վարժություններ

Խմբերը մարմնամարզական ստուգատեսին մասնակցում են, ըստ որոշված ժամանակացույցի, պահպանելով անվտանգության և հիգիենայի բոլոր կանոնները: Ստուգատեսը պարտադիր լուսաբանվում է, դասվարի, պատասխանատուի և մարզիկի կողմից:

Ես կարողանում եմ․Մարզատոն

Հյուսիսային դպրոցի 1․1 և 2․1 դասարանի սովորողներն մայիսի 17-ին Սուրբ Երրորդություն եկեղեցու բակում մի լավ մարզվեցին, մարզական խաղեր խաղացին։

Պատասխանատուներ՝ Սրբուհի Ներսիսյան, Կարինե Մամիկոնյան, Անուշ Թորոսյան

Միշտ ուրախ ենք մարզվել

Այսօր 1․1 դասարանի սովորողները Մայր դպրոցում մասնակցեցին մարզական պարապմունքի։Սովորողները միշտ ուրախությամբ և ոգևորվածությամբ են մասնակցում մարզական պարապմունքին։

Մարզատոն սուրբ Երրորդություն եկեղեցու հարակից այգում

Օրը՝ մայիսի  10, ժամը 11:00-12։00
Վայրը՝ սուրբ Երրորդություն եկեղեցու հարակից այգի

Մասնակիցներ՝ Հյուսիսային դպրոցի 1-2րդ դասարանցիներ
Պատասխանատուներ՝ Սրբուհի Ներսիսյան, Կարինե Մամիկոնյան

Ծրագրում՝

  • Շարային վարժություններ, նախավարժանք
  • Մարզական խաղեր
  • Հեծանվավարություն

Գնդակը տանել–բերել

Խաղացողները բաժանվում են 2 հավասար թիմերի, շարվում են մեկնարկային գծից միասյուն: Հրահանգից հետո թիմերի առաջին մասնակիցները գնդակը վազքով տանում են, դնում 5-6 մետր հեռու գտնվող օղակի մեջ, վերադառնում և ձեռքի հպումով մեկնարկ են տալիս երկրորդ մասնակիցներին, որոնք վազքով գնում և բերում են գնդակը: Այսպես՝ մեկը տանելով, մյուսը բերելով, խաղում են, մինչև բոլոր մասնակիցները մասնակցեն խաղին:

Օղակների միջով

Խաղացողները բաժանվում են 2 հավասար թիմերի, շարվում են մեկնարկային գծից միասյուն: Հրահանգից հետո թիմերի առաջին մասնակիցները, անցնելով օղակների միջով, վազում են, շրջանցում 5-6 մետր հեռու դրված դրոշակը և ուղիղ գծով վերադառնում, ձեռքի հպումով մեկնարկ են տալիս մյուս մասնակցիներին: Հաղթում է այն թիմը, որի վերջին մասնակիցն ավելի շուտ է հասնում իր շարքին:

Բուլավաների արանքով

Խաղացողները բաժանվում են 2 հավասար թիմերի, շարվում են մեկնարկային գծից միասյուն: Հրահանգից հետո թիմերի առաջին մասնակիցները, անցնելով բուլավաների արանքով, վազում են, շրջանցում 5-6 մետր հեռու դրված դրոշակը և ուղրղ գծով վերադառնում ետ` մեկնարկ տալով հաջորդին:

Ծափով` վազել

Խաղացողները միասյուն շարվում են` իրարից կես մետր հեռավորության վրա: Մեկ ծափ` քայլում են, երկու ծափ` ցատկոտում են, երեք ծափ` վազում են: Ով սխալվում է, դուրս է գալիս շարքից: Հաղթում է նա, ով ավելի ճիշտ և արագ է կողմնորոշվում:

Օղակախաղ

Սովորողները կանգնում են շրջանով՝ միմյանց ձեռքերը բռնած: Օղակը հերթով անցնում է շրջանի միջով՝ առանց մասնակցի ձեռքը բաց թողնելու: Պետք է մարմնով անցնել օղակի միջով այնպես, որ շրջանը չխախտվի: Պարտվում է նա, ով ձեռքը առաջինը բաց կթողնի, և դուրս է գալիս շրջանից:

  • Ազգային խաղ

Աղջիկ փախցնոցի

Երեխաները զույգերով իրար ետևից կանգնում են` զույգերի ձեռքերն վերև պահած` ափերն իրար մեջ: Նրանցից մեկը, ով զույգ չունի, գալիս է առաջ ու, նրանց արանքով անցնելով, բռնում է որևէ մեկի ձեռքից, երկուսով գնում են, կանգնում վերջում, իսկ այն մասնակիցը, ում զույգին տանում են, գալիս է առաջ ու կատարում նույն գործողությունը:

Մայիսի 4.Օր երկրորդ. Հեծանվավարություն

Հեծանվավարություն

1․1 դասարանի սովորողները ընկեր Հրայրի և ընկեր Անուշի հետ ունեցան հետաքրքիր հեծանվավարության պարապմունք։

Մարզական ստուգատես

Հունվարի 29-ին Հյուսիսային դպրոցի 1․1 դասարանի սովորողները ձմեռային քայլքով հասան Մայր դպրոց և մասնակցեցին մարզական ստուգատեսւն՝ հանձնելով 6 տարեկանների խմբին համապատասխան նորմատիվները։

Շնորհակալություն մեր մարզիչներին։

Ջրվեժի ձմեռային հեքիաթում

Հունվարի 27-ին Հյուսիսային դպրոցի 1․1 դասարանի ճամբարականները իրենց տարատարիք ընկերների հետ միասին մեկնեցին Ջրվեժի անտառապարկ՝ ձմեռային մարզական խաղեր ստուգատեսին մասնակցելու։Ջրվեժի անտառապարկում եղել էինք աշնանը և վայելել աշնանային գեղեցկությունը։Սովորողները ծանոթացել էին ճամփորդության նախագծին և անհամբեր սպասում էին, որ տեսնեին ձմեռային անտառապարկը։Բոլորս միասին ձմեռային քայլքով բարձրացանք անտառապարկ։Այնտեղ սովորողները ևս մեկ անգամ ընկեր Միքայելից լսեցին սահնակով սահելու կարևոր կանոնները։

Ուրախությունն աննկարագրելի էր, երբ սովորողները նստեցին սահնակի վրա և սահեցին։Միայն ուրախության ճիչերով էր լցված անտառապարկը։Մի լավ սահելուց և ձնագնդի խաղալուց հետո նախաճաշեցինք։Օրը հեքիաթային էր, ուրախ և անմոռանալի։Շնորհակալություն նաև մեր սիրելի մարզիչներին, ընկեր Քրիստինեին և Լևոնի հայրիկին մեզ օգնելու համար։