«Ուսումնական մառան»․ Սուջուխի ծես

Մասնակիցներ— Հյուսիսային դպրոցի 3.3 և 2․1 դասարանի սովորողներ

Խնդիրներ-բանավոր խոսքի զարգացում, տեխնոլոգիական հմտությունների , կարողությունների զարգացում, բանավոր հաշվելու, համեմատելու, համադրելու կարողության զարգացում

Նպատակը— Սուջուխի ծեսը «Ուսումնական մառան» նախագծում ներառելու, սովորողներին ազգային ավանդույթներին ծանոթացնելու փորձ

Անհրաժեշտ պարագաներ

Ընկույզ

ալյուր

շաքար

Ջուր

համեմունքներ

թել

ասեղ

Ընթացքը

Սովորողները նախապես կծանոթանան աշխատանքային երգերին, կսովորեն դրանցից մի քանիսը։ Երգերի մեջ որպես երաժշտական գործիք կկիրառվի ընկույզը(շրխկաններով երգեր)։ Շաբաթվա ընթացքում ընկույզից կստանանք հերոսներ, դեմքեր, կխաղանք ներկայացումներ ուրախ ու տխուր մարդկանց մասին։ Մասնակիցները կհաշվեն ընկույզները, կչափեն թելերը, կչափեն անհրաժեշտ քանակությամբ ալյուրը, համեմունքները, կպատրաստենք շփոթը։ Շարված ընկույզները կթաթախվեն։

Արդյունքը՝ «Սուջուխի ծեսը» դարձնել ավանդական՝ներգրավելով երաժշտության, մաթեմատիկայի, տեխնոլոգիայի ուսուցիչներին։

Աշնանային քայլք+նախաճաշ+միջավայրի խնամք

Պատրաստում ենք արցախյան պանիր

«Սեբաստացու օրեր» կրթահամալիրի տոն.Նկարում ենք սեբաստացի ուսուցիչներին

Թթուդրիկի ծեսը ընտանեկան դպրոցներում

Հյուսիսային դպրոցի 1․1 դասարանի սովորողները ներկայացնում են թթվի ընտանեկան բաղադրատոմսերը։

Ներկայացնում է Էմիլի Պարսամյանը

Ներկայացնում են Միլանա Ասլանյանը և եղբայրը

Ներկայացնում է Սամսոն Կոստանդյանը և քույրիկը

Ներկայացնում են Լևոն Ղարիբյանը և մայրիկը

Ներկայացնում են Էվա Կարապետյանը և փոքրիկ եղբայրը

Ներկայացնում են Վան և Մոնթե Վարդապետյանները

Ներկայացնում է Մարի Մուրադյանը և տատիկը

Ներկայացնում է Մարիա Պողոսյանը

Ներկայացնում է Մարգարիտա Սանթուրյանը

Պլաստիլինով ծեփում և կարդում ենք թթու բառը

Ծառատունկ, ծաղկատունկ

Աշնանային ծառատունկ-ծաղկատունկ

Ժամանակահատվածը՝ նոյեմբերի 16-20-ը

Մասնակիցներ՝ Հյուսիսային դպրոցի 6 տարեկաններ

Համագործակցություն՝ բնագիտության դասավանդող Անժելա Բլեյանի հետ

Նպատակը՝

  • Կրթական պարտեզի բարեկարգում, խնամք
  • Ծաղիկների, ծառերի, թփերի տունկ
  • Ծնողների ներգրավում նախագծին
  • Այցելություն ջերմոց լաբորատորիա, բույսերի ծանոթացում, սերմերի տեղափոխում

Խնդիրներ՝

  • Միջավայրի ձևավորում
  • Երկրագործական հմտությունների ձեռքբերում

Գործունեության ձևեր՝

  • Ծանոթացում աշխատանքային գործիքներին
  • Սովորել ճիշտ օգտվել աշխատանքային գործիքներից
  • Խնամել ծառերը, ծաղիկները, թփերը, ջրել
  • Համագործակցել դպրոցի այգեպանի հետ
  • Ամենօրյա միջավայրի  խնամք

Անհրաժեշտ գործիքներ` բահ, պատգարակ, փոցխ, աշխատանքային ձեռնոցներ

Այցելություն կրթահամալիրի ջերմոց լաբորատորիա

Խաղաղության գինին ենք ստեղծում

Մասնակիցներ— Հյուսիսային դպրոցի 1․1 դասարանի սովորողներ և ծնողներ 

Նախագծի իրականացման օրը — Սեբաստացու օրեր ՝ նոյեմբերի 11` ժամը 11։00-12:30 

Նախագծի ժամկետը -շարունակական 

Նպատակը և խնդիրը՝ 

Ծանոթացում  

  • խաղողագործությանը, այգիների ստեղծմանը, Քոլեջի տնկարանին 
  • Խաղողի տեսակներին 
  • գինեգործությանը, գինու ստացման տեխնոլոգիային, հնձանին 
  • Գինու տեսակներին 
  • Գինու ազգային, ծիսական մշակույթին 
  • Մառանի մշակույթին 
  • Գինու համտեսին 


    Նախագծի ընթացքը և ակնկալվող արդյունքները՝ 

    Նախագծի ընթացքում սովորողները Paint նկարչական ծրագրով նկարում են  գինու պիտակները, որոշում շշալցված գինու անունը, փորձում են գինի  ստեղծել ընտանեկան դպրոցներում։ Գինու դպրոցում ծանոթանալով գինու համտեսի մշակույթին` փորձը փոխանցում են ընտանիքներին։  Ընտանիքներում նաև ստեղծում են գինու համար հատուկ պանիր,  ծանոթանում,  յուրացնում նաև պանրի ստեղծման տեխնոլոգիան։ 

    Նախագծի ընթացքում սովորողները իրականացնում են այլընտրանքային  բառգրոցի՝ խաղողի հատիկներով գրելով իրենց ծանոթ բառերը։ 

    Նախագծի ընթացքում խաղողի հատիկներով իրականացնում ենք ուրախ  մաթեմատիկա. կատարում ենք բանավոր համրանք, զույգ և կենտ թվերն ենք  ներկայացնում, հաշվում ենք 2-ական, 5-ական, 10-ական համակարգով, կազմում խնդիրներ խաղողի, գինու մասին։ 

    Նախագիծը շարունակելի է: 

    Հաջորդիվ՝  մասնակցություն խմորման ընթացքին, շշալցմանը,  շշերի նկարազարդմանը, աճուրդին: 

    Համակարգող՝ Սրբուհի Ներսիսյան, Ջուլի Ղազարյան
    Մենթոր՝ Արտակ Ռշտունի

Կախազարդերի ստեղծում․ Ցուցահանդես -վաճառք Համագործակցության նախագիծ Արուսյակ Մաթևոսյանի հետ

Ժամանակահատվածը` նոյեմբերի 13

Մասնակիցներ՝ Հյուսիսային դպրոցի 6 տարեկաններ

Գործունեություն՝ «Սեբաստացու օրեր» նախագծային շաբաթվա ընթացքում կախազարդերի, կրծքազարդերի  ստեղծում։ Արդյունքում ստեղծված աշխատանքները կցուցադրվեն և կվաճառվեն։

Համագործակցություն՝ Արուսյակ Մաթևոսյանի հետ

Նպատակը՝  սովորողի մոտ զարգացնել ստեղծագործական մտածողություն, Խմբում աշխատելու կարողություն: Նախագծի ընթացքում սովորողների հետ կստեղծենք հետաքրքիր ձեռքի աշխատանքներ (hand made) ՝ կրծքազարդեր,  որոնք կներկայացվեն ցուցահանդես- տոնավաճառում։

  • ծանոթություն նոր նյութերի, տեխնիկաների հետ
  • ձեռք բերած հմտությունները կիրառելու կարողություն
  • ստեղծածը շրջակա միջավայրում ցուցադրելու, նվիրելու, վաճառելու կարողություն
  •  նոր և հետաքրքիր մտածելակերպի ձևավորում

Անհրաժեշտ նյութեր՝  կավ, չորացրած ծաղիկներ ,կտավի կտոր, գուաշ