Նախագծի մասնակիցներ՝ Երկրորդ դասարանցիներ, տարատարիք սովորողներ

Նախագծի իրականացման ժամանակահատված՝ շուրջտարյա

Նպատակ՝

Ստեղծել ուսումնական մեդիատարածք, որտեղ սովորողները ինքնարտահայտվելու, սեփական բարդույթներից ազատվելու, սեփական հետաքրքրություններն ու գիտելիքների պաշարը զարգացնելու հնարավորություն կունենան:

Խնդիրներ՝

• Ուսումնական բլոգի միջոցով զարգացնել սովորողների ազատ, անկաշկանդ խոսքը:
• Զարգանել մեդիահմտություններ, որոնց միջոցով սովորողները ինքնուրույն կկարողանան ուսումնական նյութեր պատրաստել և հրապարակել սեփական բլոգում:
• Սովորողների մեջ զարգացնել ինքնուրույն հետազոտական աշխատանք կատարելու հմտություններ և կարողություններ:

Նախագծի նկարագրությունը

Հյուսիսային դպրոցի երկրորդ դասարանցիներն անհատական բլոգներ պիտի ունենան, որտեղ տեղադրելու են իրենց ստեղծած ուսումնական ֆիլմերը, հետազոտական աշխատանքները, ռադիոնյութերը, ստղեծագործական աշխատանքները: Տարատարիք սովորողների հետ վերջիններս հնարավորություն կունենան ուսումնասիրելու՝ ի՞նչ է բլոգը, ինչպե՞ս ստեղծել, ի՞նչ հետաքրքիր նյութեր կան այնտեղ, ի՞նչ հմտությունների է տիրապետում բլոգերը, ինչպե՞ս օգտվել բլոգի գործիքներից:

Նախագծի շնորհիվ բլոգերներն առավել մեծ ուշադրություն կդարձնեն բլոգներին, կփորձեն հնարավորինս հետաքրքիր և պատկերավոր ներկայացնել բլոգի աշխարհը նոր բլոգերներին:

Այդ հարցում նրանց կօգնեն տարբեր ոլորտի մասնագետների հետ պարբերաբար կազմակերպվող ուսումնական պարապմունքները, որոնց արդյունքում 2-րդ դասարանցի բլոգերներն արագ կսովորեն, կհմտանան բլոգ վարելու գործում։

Արդյունքները՝ բլոգում։