Նախագծի մասնակիցներ՝ Հյուսիսային դպրոցի « Էլֆեր » ջոկատի ճամբարականներ
Նախագծի իրականացման օրը ՝ հունվարի 24
Մեկնում Հյուսիսային դպրոցից՝ ժամը 11։15
Վերադարձ Հյուսիսային դպրոց՝ ժամը 13։45
Նախագծի պատասխանատուներ՝ Սրբուհի Ներսիսյան, Սուսաննա Պետրոսյան, Սիրանույշ Պետրոսյան
Ուղեկցող մարզիկ՝ Արման Մատինյան
Ճանապարհի քարտեզը
Նախագծի ընթացքը՝ քայլք, ձմեռային խաղեր,ձնագնդի, սահնակներով սահք
Խնդիրները՝
- Ձևավորել ճամփորդությունը պլանավորելու (նախագծելու) կարողություններ. ճամփորդության նպատակ, խնդիրներ, գործողությունների քայլաշար,
- Ձևավորել տեսածի մասին պատմելու, տեսածը ներկայացնելու ( վայրը նկարագրելու, ճամփորդության մասին սեփական վերաբերմունքն արտահայտելու) կարողություններ
- Զարգացնել խմբով քայլելու, զբոսնելու, խաղալու կարողությունները
- Զարգացնել մարզական հմտությունները
Սովորողների գործունեության նկարագրություն.
Նախապատրաստական փուլ
- Տեղեկություններ հաղորդել անտառպարկի մասին
- Օգտվել առաջիկա եղանակի մասին պատմող տեղեկությունից
- Հավաքել ճամփորդական պայուսակ. ի՞նչ իրեր են անհրաժեշտ լինելու, ինչո՞ւ
- Անդրադառնալ խմբով ճամփորդելիս ընկերային պատասխանատվության նշանակության կարևորությանը
- Անդրադառնալ ճամփորդության կանոններին
- Անդրադառնալ առաջին օգնության տարրական կանոններին
Ընթացք
- զբոսնել, ուսումնասիրել միջավայրը՝ ձմեռային բնություն, սառած լիճ
- լուսանկարել ձմեռային բնություն
- իրականացնել մարզական խաղեր՝ ձնագնդի, սահնակ
Ամփոփում
- պատմել օրվա մասին՝ պահպանելով գործողությունների հաջորդականությունը
- նկարել դուր եկած տեսարանը
- պատրաստել ռադիոլուր
Ճամփորդության մասնակցին անհրաժեշտ իրեր՝
- Հարմար ուսապարկ, հագուստ (գլխարկ, ձեռնոց, չթրջվող շալվար, լրացուցիչ հագուստ՝ գուլպա, շապիկ, տաբատ, սրբիչ)
- ձեռնոցներ, աղբի տոպրակ
- թաց ու չոր անձեռոցիկ, ալկոգել
- բրդուճներ, մրգեր, ջուր, ջրաման(թերմոս), տաք ըմպելիք