• Ժամանակացույց՝ սեպտեմբերի 3
• Ժամը՝ 10։00
• Վայրը՝ դպրոցի արվեստանոց, բակ-պարտեզ
• Մասնակիցներ՝ 2-րդ դասարանցիներ
• Համակարգող՝ Գեղարվեստի մասնախումբ
• Համակարգող ուսուցիչներ՝ Հյուսիսային դպրոց՝ Սրբուհի Ներսիսյան, Մարի Միքայելյան

Նպատակ՝

Զարգացնել ստեղծագործական ունակությունները դիմանկարի տեխնիկայով, խրախուսել զգայական հաղորդակցությունը։ Այս գործունեության միջոցով երեխաները ոչ միայն կբարելավեն իրենց գեղարվեստական ​​հմտությունները, այլև կխորացնեն ներքինը, բնավորությունը, հույզերը, վարքը տեսնելու և արտահայտելու կարողությունները։

Աշխատարանի կառուցվածք՝

• Աշխատարանի ներկայացում․ նպատակի և գործունեության համառոտ բացատրություն:
• Բնորդների բաշխում․ Զույգերը որոշվում են գունային վիճակահանությամբ, տարբերանշաններով։ Նախապես ստեղծվում են զույգ գունային ծածկագրեր, լցվում վիճակահանության արկղիկ։ Մասնակից սովորողները հերթով վիճակահանությամբ հանում են իրենց գունային ծածկագիրը, միավորվում գույներով և նստում դեմ դիմաց։
• Փուլ 1․ Դիտողական դիմանկար(20 րոպե)․Յուրաքանչյուր մասնակից 20 րոպե է հատկացնում՝ ուշադիր դիտելով իր բնորդին և նկարում է նրա դիմանկարը: Կենտրոնալով ոչ միայն ֆիզիկական հատկանիշների, այլև՝ ընկերոջ բնավորության, նախասիրությունների վրա: Տեխնոլոգ ուսուցիչը, դասվարը, ուսուցչի օգնականը այս ընթացքում օգնում են սովորողներին հարցերով, պատկերը ձևավորելու համար։
• Փուլ 2․ Հնարամիտ դիմանկար (20 րոպե): Մասնակիցները երկրորդ փուլում կստեղծեն երկրորդ դիմանկարը, բայց այս անգամ դրանք կլրացվեն երևակայական տարրերով, որոնք կներկայացնեն ընկերների հետաքրքրությունները կամ պատմությունները:
• Աշխատանքների ներկայացում, խմբային քննարկումաշխատարանի փորձի վերաբերյալ։

Պահանջվող նյութեր.

• Նկարչական թուղթ, թղթե գորգ
• Գունավոր մատիտներ, մարկերներ, ֆլոմաստերներ
• Ջնջիչներ
• Կպչուն պատկերներ
• Լրացուցիչ՝ գեղարվեստական ​​մոլբերտներ

Արդյունք՝

Աշխատարանի արդյունքում սովորողները կունենան ոչ միայն եզակի դիմանկարների հավաքածու, այլև ավելի հարուստ պատկերացում իրենց ընկերների մասին՝ կկարևորեն արվեստի դերը հարաբերությունների, ընկերության կառուցման և փոխըմբռնման գործում:

Արդյունքները կցուցադրվեն դասարանական պատկերասրահում, նախագծային ցուցահանդեսում։

Նախագիծը՝ Քնարիկ Ներսիսյանի