Ստուգատես իրականացման ժամանակահատվածը՝  հունվարի 7-31-ը:

Մասնակիցներ՝ 1-3-րդ դասարանների ճամբարականներ

Նպատակը՝

Ձմեռային ուսումնական ճամբարի ընթացքում մաթեմատիական խաղերի ու խնդիրների իրականացումը, ներկայացումը, տարածումը ստուգատեսային ձևաչափով:

Խնդիրները՝

• Համագործակցելու, խմբում աշխատելու կարողությունների դրսևորում  (իրար լսելու, իրարից սովորելու, իրար շարունակելու, իրար օգնելու).
• Վերլուծական, քննադատական, արագ մտածելու, կողմնորոշվելու կարողությունների  դրսևորում:

Կազմակերպում

Ճամբարային չորս շաբաթների ընթացքում կրտսեր դպրոցականները միասին տարբեր մաթեմատիկական խաղեր են խաղում, պատրաստում են ինքնաշեն խաղեր: Համագործակցային հանդիպումներ են տեղի ունենում տարբեր ջոկատների միջև:

• 1-ին շաբաթ՝ հունվարի 7-10 — նախապատրաստական շաբաթ
• 2-րդ շաբաթ՝ հունվարի 13-17 — միջդասարանական հանդիպումներ
• 3-րդ շաբաթ՝ հունվարի 20-24- միջդպրոցական հանդիպումներ
• 4-րդ շաբաթ՝ հունվարի 27-31 — ինքնաշեն խաղերի ցուցադրում

Նախապատրաստական շաբաթում յուրաքանչյուր ջոկատ որոշում է, թե ինչ ինքնաշեն խաղ է պատրաստելու: Քննարկում են, սկսում են աշխատել, ընթացքի մասին լուսաբանում են: Սկսում են համագործակցել ուսումնական կենտրոնների, լաբորատորիաների հետ:

Միջդասարանական հանդիպումների շաբաթվա ընթացքում կրտսեր դպրոցներում տեղի են ստուգատեսային հանդիպումներ համապատասխանաբար 1-ին, 2-րդ, 3-րդ դասարանների ջոկատների հետ: Ըստ հրապարակված մաթեմատիկական խաղերի ստուգատեսի ծրագրի ճամբարականները խաղում են թիմերով:

Հանդիպման օրը՝

• Հունվարի 16, ժամը՝ 11:00 — 2-րդ դասարանցիներ

Միջդպրոցական հանդիպումների շաբաթվա ընթացքում տարբեր դպրոցների տարբեր տարատարիք ջոկատներ ունենում խաղային հանդիպումներ: Նախագիծը, խաղերի բովանդակությունը յուրաքանչյուր ջոկատ հրապարակում է նախապես:

Ամփոփման կամ ինքնաշեն խաղերի ցուցադրման շաբաթում յուրաքանչյուր ջոկատ ներկայացնում է մեկ իքնաշեն խաղ, որի շուրջ աշխատանքը սկսել էր դեռ հունվարյան ճամբարի առաջին շաբաթում:

Խաղը ներկայացնել հետևյալ բովանդակությամբ՝

• Անվանումը՝
• Տեսակը՝
• Պատրաստված է (նյութեր, միջոցներ)՝
• Տարիքային խումբը՝
• Մասնակիցների քանակը՝
• Միջավայրը՝
• Նկարագրությունը՝
• Ուսումնական խնդիրները՝
• Ընթացքը 
• Հեղինակը (ները)՝

Բովանդակություն

• Բանավոր համրանք
• Ինքնաշեն խաղեր
• Բանավոր մաթեմատիկական խաղեր
• Խաղերի փաթեթ Զառա Սեդրակյանից

Ամփոփում

Օրվա լուսաբանումները կհրապարակվեն բլոգներում, ենթակայքերում: Արդյունքում կստեղծվի մաթեմատիկական խաղերի փաթեթ: