«Տիեզերք» ուսումնական նախագիծն ամենամյա է և իրականացվում է կրտսեր դպրոցի 1-3-րդ դասարաններում:
Իրականացման տևողությունը`շուրջտարյա
Նպատակը՝ Բնական, կենսական (շրջակա) միջավայրի ճանաչողության միջոցով նպաստել շրջակա միջավայրի պահպանմանն ու բարելավմանը:
3-րդ դասարան
- Սովորողների աշխարհաճանաչողության զարգացում.
- Նախագծի ընթացքին սովորողների ակտիվ ու ստեղծական միջամտություն ունենալու հնարավորությունից օգտվելու հմտության ձևավորում.
- Բնական, կենսական միջավայրի ուսումնասիրություն.
- Դիտումներ (դիտարկումներ) կատարելու, դրանք համադրելու, վերլուծելու, քննարկելու, մեկնաբանելու, եզրակացություններ անելու ունակությունների ձևավորում և զարգացում.
- Տեխնոլոգիական հմտությունների զարգացում, կիրառում, ցուցադրում.
- Աշխատանքային գործունեության արդյունքում ուսումնական նյութերի ստեղծում:
3-րդ դասարան
- Ֆրանս. ժող. հեքիաթ «Ճանապարհորդություն դեպի լուսին»
- «Արև», «Լուսին», «Աստղեր», «Ինչու՞ է երկինքը կապույտ»
Նախագծի իրականացման ընթացքը (ընդհանուր նկարագրություն)
1-ին դասարան
Լեզվագործունեություն + Ես շրջակա աշխարհ
- Ուսումնասիրել երկինքը դիտումների միջոցով օրվա տարբեր ժամերին՝ տանը և դպրոցում:
- Պատմել երկնքի մասին. Ինչպիսի՞ն է երկինքը, երբ ցերեկ է: Ինչպիսի՞ն է երկինքը, երբ գիշեր է: Կազմել բառակապեր: Ուշադրություն դարձնել բառ, բառակապ հասկացությանը: Պատումները ձայնագրել, ներկայացնել նկարաշարով:
- Ստեղծագործական աշխատանք ռոդարիական հնարքներով՝ հորինել հանելուկներ, ստեղծել նոր ու անսովոր բառակապեր, բառեր, փորձել բացատրել դրանք:
Աշխատանք գրական ստեղծագործությունների հետ
- Ներկայացնել, բացատրել անհասկանալի բառերը:
- Գրական ստեղծագործությունները յուրացնել խաղ-բեմականացման միջոցով:
- Հեքիաթը, ոտանավորը նկարել որպես՝
— Պատմություն-նկար
— Հատված-նկար
— Նախադասություն-նկար
Կերպարվեստ, տեխնոլոգիա և մեդիատեխնոլոգիա
- Նկարել մեր տեսած երկինքը, իսկ որպես նախագծի ամփոփում՝ տիեզերքը: Աշխատել գուաշով և ջրաներկով:
- Հաջորդ քայլը համակարգչային Paint ծրագրով աշխատել: Յուրացնել հիմնական գործիքների ֆունկցիաները, կարողանալ պահպանել աշխատանքները համակարգչում:
- Նկարել երկնային մարմինները՝ արև, լուսին:
- Նկարել գիշեր, ցերեկ, և որպես նախագծի ամփոփում՝ նկարել տիեզերքը:
- Դիտել ուսումնական մուլտֆիլմ աստղագիտության մասին:
Մաթեմատիկական գործունեություն
- Էլեկտրոնային առաջադրանքներ առարկաների տարածական առնչությունների վերաբերյալ ( Խմբավորումներ (ըստ որոշակի հատկանիշի), զույգերի կազմում, շատ — քիչ, երկար — կարճ,հաստ — բարակ, աջ — ձախ,առաջ — հետ, վերև — ներքև, գտնում են առարկաների, երևույթների տարբերությունը: ):
- Առաջադրանքները կազմվում են արևի, լուսնի, աստղերի, ամպերի պատկերներով:
2-րդ դասարան`
Մայրենի-լեզվագործունեություն
- Պատմել (բանավոր և գրավոր) Երկիր մոլորակի մասին՝ ներկայացնելով իր իմացած տվյալները:
- Ստեղծագործել, հորինել փոքրիկ պատմություն անսովոր երևույթների մասին:
- Հատուկ անունները գրել մեծատառով:
- Նախադասությունը սկսել մեծատառով, ավարտել վերջակետով:
- Օժանդակ բայերը ճիշտ գրել (ներկա ժամանակ):
ՏՀՏ
- Աշխատել Paint ծրագրով:
- Աշխատել MS Office Word ծրագրով (մուտքագրել, կիրառել ծրագրի copy-paste հրամանները):
- Աշխատել Power Point ծրագրով:
- Էլեկտրոնային փոստի գործածում:
- Բլոգի ընթերցում:
Կերպարվեստ, տեխնոլոգիա
Նկարել Երկիր մոլորակը, Իմ մոլորակը, Տիեզերքը թեմաներով նկարներ: Մրգերից պատրաստել տիեզերական կոլաժ-կերպարներ:
3-րդ դասարան
Մաթեմատիկա
Իրական տվյալներով կազմել խնդիրներ՝ օգտագործելով չափման միավորներ և բազմանիշ թվեր:
Թեմային վերաբերող զանազան հարցեր գրել, պատասխաններ փնտրել, հանելուկներ կազմել, պատմություններ հորինել:
Ես և շրջակա աշխարհըԴիտարկումներ, դիտումներ (արև, աստղեր, լուսին), տվյալների գրանցում, տեղեկությունների որոնում համացանցից հետևյալ թեմաներով.
— Արեգակնային համակարգ
— Երկիր մոլորակ
— Օրացույց (ամենատարբեր, ամենահնարավոր)
Տեխնոլոգիա
Արեգակի դիտումների համար յուրաքանչյուրը հատուկ ակնոց է պատրաստում, խմբով պատրաստում են մեծ մոլորակ (մանուկների մոլորակ) և ձևավորում ՝ օտագործելով տարբեր նյութեր:Նախագծի արդյունքում՝
Նախագծի արդյունքում սովորողները ամբողջացնում ու ավելացնում են իրենց ունեցած տեղեկոությունը տիեզերքի, Երկիր մոլորակի մասին: Աշխատում են ստեղծագործական հնարքներով: Ստեղծում են էլեկտրոնային ընթերցարաններ, որոնք հրապարակվում են բլոգում, ենթակայքում:
Ուսումնական ֆիլմեր՝Տիեզերք
Հյուսիսային դպրոցի 3.1 դասարանի սովորողների մեդիատարածք 