Օր՝ դեկտեմբերի 17

Ժամ՝ 12.00

 Վայր՝ Արտասահման

Մասնակիցներ՝ Հյուսիսային դպրոցի 3-րդ դասարանների սովորողներ, դասավանդողներ, ծնողներ, հյուրեր, այլք

Ծրագիր

• Հատված պատարագից՝ «Սուրբ, Աստված»

Սուրբ Աստված, սուրբ և հզոր, սուրբ և անմահ,

Որ ծնար և հայտնեցար, ողորմեա մեզ: x3

• Ձեր սունդուկներ լցվին հացով, ավետիս

Այսօր տոն է սուրբ ծննդյան, ավետիս,

Ձեր սունդուկներ լցվին հացով , ավետիս,

Ձեր ոչխարներ գային ջոկով, ավետիս,

Ձեր կարասնին լցվին գինով, ավետիս,

Ձեր քոցոնին գային ջոկով, ավետիս,

Ձեր խորոզնին կանչեն ձենով, ավետիս,

Ձեր ճուկն ու թաս երթան ու գան, ավետիս,

Ծառ խընկենի, արմավենի, անվետիս,

Ձեր մանչերուն Աստված օրհնե, ավետիս:

• Բարեմաղթանք

Ձյունի սպիտակ ալյուր մաղեմ ,

Բերք-բարիքի տարի լինի:

Անուշ-անուշ խմոր շաղեմ,

Արտս ցորեն — գարի լինի,

Կլոր , կարմիր գաթա թխեմ,

Թող թխածս բարի լինի։

• Մհեր ճութ էր

Մհեր ճութ էր,  ճթացավ,
Քյանց բարդի ծառ՝  երականացավ,
Մհեր նստեր կապույտ քուռակ
Մեջքին կապեր պողպատ, ուրագ,
Սուրբ Կարապետ տա ձեր  մուրազ
Տա ձեր մուրազ՝ Ալելույա:

Միասնական ընթերցում                                    

Գեղամ Սարյան․Ձյուն

Ձյո՛ւն, փափո՛ւկ ձյուն, սպիտա՛կ ձյուն,
Զգո՛ւյշ իջի՛ր դաշտերին,
Ծաղիկները մտել են քուն,
Հողն է նրանց անկողին:

Հանդա՜րտ, կամա՜ց իջի՛ր այնպես՝
Ծաղիկները չարթնանան,
Ծածկի՛ր նրանց քնքուշ ու հեզ,
Զգո՜ւյշ, զգո՜ւյշ անսահման:

Ձյո՛ւն, փափո՛ւկ ձյուն, սպիտա՛կ ձյուն,
Հանգի՜ստ, խաղա՛ղ իջի՛ր վար,
Ծաղիկները մտել են քուն,
Ծաղիկները ցրտահար:

• Պոլսո ավետիս՝ «Մելքոն, Գասպար»

Մելքոն, Գասպար և Բաղդասար, ավետիս, ավետիս,
Քրիստոս ծնավ և հայտնեցավ, ավետիս, ավետիս:
Եփե մայրիկ, եփե, թանիլի փլավ,
Հիմա պապան կուգա անոթի ծարավ
Հայրիկի բասթոնը տանը մնացել,
Մայրիկի աչքերը մոլոր մնացել,
Մելքոն, Գասպար և Բաղդասար , ավետիս, ավետիս,
Քրիստոս ծնավ և հայտնեցավ, ավետիս, ավետիս:

• Բարեմաղթանք

Բարով եկար Նոր տարի,

Տուր մեզի ցորեն, գարի,

Մեր փեթակն ալուր կուզե,

Տանտիկինը յեղ կուզե,

Բուխարիկս մուխ կուզե,

Մեր օջախը փետ կուզե,

Այգուն, բաղջին պտուղ տուր,

Հիվանդություն թող չըլնի,

Ապրիք շատ ու շատ տարի:

Անգլերեն երգ

Բառերը լրացվում են․․․

• Բասեն բարի

Բասեն բարի, Բասեն բարի,
Հա՛յ Նուբարի, ջա՛ն Նուբարի,
Տղա՛, արի, բռնե, պարի,
Հա՛յ Նուբարի, ջա՛ն Նուբարի, Նուբարի:
Բասեն բարի, Բասեն բարի,
Հա՛յ Նուբարի, ջա՛ն Նուբարի,
Աղջի, արի, բռնե, պարի,
Հա՛յ Նուբարի, ջա՛ն Նուբարի, Նուբարի:
Երկու գնա, երեք արի,
Հա՛յ դոմբարի, ջա՛ն դոմբարի,
Տղա, արի, բռնե, պարի,
Հա՛յ դոմբարի, ջա՛ն դոմբարի, դոմբարի:
Արի՝ խաղանք էս դոմբարին,
Բասեն բարի, Բասեն բարի,
Ինչքան ուրախ է էս տարին,
Հա՛յ դոմբարի, ջա՛ն դոմբարի, դոմբարի:

Բարեմաղթանք

Ձեր տուն մտնի հազար բարի,

Հաճար, ցորեն, կորեկ, գարի,

Լիքը խորեր շատ ունենաք,

Կարմիր օրեր շատ ունենաք,

Կարմիր օրով, կարմիր շորով,

Ուրախ կենաք` լիքը տնով:

Ռուսերեն երգ

Բառերը լրացվում են․․․

Միասնական ընթերցում

Հայրապետ Հայրապետ․ Առաջին փաթիլներ

Նազ ու տուզով, օրորվելով

Իրար կողքի, թևանցուկ՝

Փաթիլները ճամփա ընկան

Օդի միջով կամացուկ։

Թեթև-թեթև իջնում են վար՝

Պտտվելով անդադար,

Պար են գալիս, խաղում անվերջ

Լայն ու արձակ օդի մեջ։

Ամպը գոչեց. «Արա՛գ իջեք,

Իմ սիրելի՛ բալիկներ,

Չգիտե՞ք, որ կարոտ են ձեզ

Այնքան փոքրիկ մանուկներ»։

Փաթիլները զվարթացան,

Թևին տվին ու անցան,

Մեկիկ-մեկիկ գետին իջան,

Իրար գրկած՝ ձյուն դարձան։

Մանուկները դուրս վազեցին՝

Առած սահնակ ու սղղան,

Եվ սկսվեց երգ ու ծիծաղ,

Զվարթ խաղերը ձմռան։

Միանական պար՝ տղաներ

null

Փաթ, փաթ, փաթիլներ

1. Ամպը բացեց դուռը մեծ,

Փաթիլները թափվեցին,

Երգով, պարով, ծիծաղով

Ճյուղերին նստոտեցին:

Կրկնակ.

Փաթ, փաթ, փաթիլներ,

Երգող, պարող փաթիլներ:

2. Քամին եկավ պարելով,

Փաթիլին խուտուտ տվեց,

«Հա, հա, հա, հա» երգելով՝

Փաթիլներին թռցրեց:

Կրկնակ.

Փաթ, փաթ, փաթիլներ,

Երգող, պարող փաթիլներ:

Իրար վրա շարվեցին,

Մի մեծ բլուր կազմեցին,

Քամին սուլեց, պտտվեց,

«Փաթիլներով պար» բռնեց:

Կրկնակ.

Փաթ, փաթ, փաթիլներ,

Երգող, պարող փաթիլներ:

Նոր տարվա հանդես

Պատրաստել ենք մենք նոր տարվա հանդես,

Նոր տարվա հանդես, նոր տարվա հանդես,

Հագուստներ ունենք, դիմակներ պես-պես,

Դիմակներ պես-պես, դիմակներ․․․

Հյուր կգա շուտով ձմեռ պապին,

Ներս կգա մեծ պարկը շալակին,

Ձյուն անուշն էլ, երգը շուրթերին,

Շուրջը կխմբի ժիր մանուկներին։

Թիկ-թակ, մանուկներ,

Մեծ շրջան բացեք, մեծ շրջան բացեք, մեծ շրջան բացեք,

Ինչպես զանգակներ, զանգակներ ուրախ,

Երգով ու պարով զնգացեք։

Զարդարել ենք մենք

Եղևնին պայծառ, տոնածառը մեր, տոնածառը մեր,

Դուրսը ձյուն ձմեռ, իսկ ներսում պայծառ, իսկ ներսում անթիվ

Ծաղիկներ։

Հյուր կգա․․․․․

Միասնական ընթերցում

Աթաբեկ Խնկոյան․ Ձմեռ

Ծառը մերկացավ, 

Զրկվեց տերևից, 

Ձյունի փաթիլներ Իջան վերևից։

Ձյուն ու ցուրտ եկան, 

Առու, գետ լռեց, 

Իր արծաթ գորգը 

Ձմեռը փռեց։

Ձյունը ծնկահար 

Նստեց մեծ ճամփին, 

Սպիտակ հյուսերը 

Կիտեց գետափին։

Միասնական պար՝ աղջիկներ

• Տոնածառ ջան

Տոնածառ ջան, տոնածառ
Ի՜նչ սիրուն ես ու պայծառ,
Էս ի՜նչ լավն է, էս ի՜նչ լավն է,
Չորս կողմը լույս ու փայլ է: x2

Կարմիր աստղ գագաթին,
Ծառի տակ՝ Ձմեռ պապին,
Էս ի՜նչ լավն է, էս ի՜նչ լավն է,
Չորս կողմը լույս ու փայլ է: x2

• Միասնական պար՝