Բնագիտատեխնիկական ստուգատեսի ընթացքում հանդիպեցինք բնագետների ջոկատի հետ, ովքեր մեզ ներկայացրեցին հետաքրքիր փորձեր։

Ազգագրական փառատոնի շրջանակում հանդիպեցինք տեխնոլոգների ջոկատի հետ և ընկեր Հասմիկի օգնությամբ ծանոթացանք և խաղացինք Ճոպան- ճոպան խաղը։Սովորողներին շատ դուր եկավ խաղը։

Կար մի աղջիկ: Ամբողջ օրը նա սրինգ էր նվագում: Երբեմն այնքան արտասովոր էր լինում նրա նվագը, որ անցորդները կանգնում ու լսում էին: Աղջիկը նվագում էր երկնքի մաքրության, օվկիանոսի խորության, անտառի թարմության, մարդկանց և նրանց ցանկությունների, նրանց զգացմունքների ուժգնության և անկայունության մասին: Մի խոսքով` այն մասին, թե ինչպես էր ինքը պատկերացնում կյանքը: Սակայն մի օր մարդիկ սկսեցին պատմել նրան այն մասին, որ կյանքում ամեն ինչ բոլորովին էլ այնպես չէ, ինչպես ինքն է պատկերացնում:

Եվ հենց որ նա հավատաց մարդկանց, սրինգը դադարեց նվագել:
— Ինչո՞ւ չես ուզում նվագել, սրինգ, — հարցրեց տրտմած աղջիկը:
— Ոչ թե ես չեմ ուզում նվագել, դու այլևս չես լսում ինձ, — տխուր պատասխանեց սրինգը և լռեց:
Աղջիկը նստեց աթոռին և լաց եղավ: Ինչպե՞ս ապրել առանց սրինգի, չէ՞ որ դա միակ բանն էր, որ ինքը կարող էր անել:
— Մի տխրիր, — ասաց սրինգը, — դու դեռ լսո՞ւմ ես ինձ:
— Այո, — ասաց աղջիկը` ափով սրբելով արցունքները:
— Դե ուրեմն, կենտրոնացիր: Այս Սբ. Ծննդյան տոնին քո առջև կբացվի երկու աշխարհ. Աշխարհ` ուրիշ մարդկանց աչքերով և աշխարհ` քո աչքերով: Սակայն ապագա կյանքի համար դու պետք է ընտրես դրանցից մեկը: Եթե դու նախընտրես աշխարհն ուրիշ մարդկանց աչքերով, կդառնաս ունկնդիր, և քո կյանքի աղբյուրը միշտ կենտրոնացած կլինի ուրիշների կարծիքների վրա: Իսկ եթե նախընտրես աշխարհը քո աչքերով, ապա հնարավոր է, որ կրկին լսես ինքդ քեզ և կրկին նվագես: Սակայն ստիպված կլինես այլևս ոչ ոքի չլսել և անգամ` չսխալվել:
— Օ, որքան լուրջ է այդ ամենը, — ասաց աղջիկը և արագ վեր կացավ աթոռից:
Մի քանի օր անց եկավ Սբ. Ծննդյան տոնը: Տնեցիները հավաքվեցին հյուրասենյակում, սկսեցին քննարկել ինչ-որ բաներ, կատակել, վիճել: Սակայն աղջիկը նրանց չէր լսում: Նա խորհում էր, թե երկու աշխարհներից ո՞րն ընտրել: Եվ հանկարծ սեղանի շուրջ հավաքվածներից մեկը բարձրաձայն ասաց. «Ես չեմ կարող գրել այնպիսի պիեսներ, ինչպիսիք գրել է Շեքսպիրը: Սակայն իմ առավելությունն այն է, որ ես կարող եմ գրել իմ պիեսները»: Մեծահասակները ծիծաղեցին, իսկ աղջիկը պապանձվեց, որովհետև հասկացավ, որ յուրաքանչյուր մարդու առավելությունն այն է, որ միայն ինքն է այդպիսին: Եվ ինչ-որ վառ և արտասովոր բան ստեղծելու համար բոլորովին էլ պետք չէ լսել այլ մարդկանց, որովհետև յուրաքանչյուր մարդ ինքնին հրաշք է, և այդ հրաշքը թաքնված է հենց իր մեջ: Պարզապես շատերը ժամանակավորապես մոռացել են այդ մասին, և ահա` չգիտեն ինչ անել` ուրիշների խորհուրդներին հետևելուց բացի: Աղջիկը դուրս վազեց սենյակից, վերցրեց սրինգը, վերադարձավ հյուրասենյակ և բարձրացավ աթոռին:
— Ուշադրություն եմ խնդրում: Հիմա ես ձեզ համար կնվագեմ:
Մեծահասակները ժպտացին, ծափահարեցին: Ահա թե ինչ արտասովորն է իրենց դուստրը: Ինչ ինքնավստահորեն է պահանջում ուշադրություն իր հանդեպ, անգամ աթոռի վրա բարձրացավ: Իսկ երբ աղջիկը սկսեց նվագել, մեծահասակները լռեցին: Նրանց մտքով էլ չէր անցնում, որ այդ Սբ. Ծննդյան տոնին իրենց տանը տեղի էին ունենում իրական հրաշքներ: Հրաշքներ` իրենց աղջկա աչքերով:

Ձմեռային ճամբար

Անհրաժեշտ հիգիենիկ միջոցներ`

• ախտահանիչ միջոց
• թաց և չոր անձեռոցիկներ
• անհատական ջրի շիշ, թերմոս
• դիմակ 

Հունվարյան նախագծեր՝

• Հանրակրթական Դիջիթեք 2023
• Բնագիտության և տեխնիկական ստեղծագործության
• Մարմնամարզության, ձմեռային մարզական խաղերի
• Ազգագրական փառատոն
• Դդմածես

Ուսումնական խաղեր՝

• Գումարում — խճանկար 100-ի սահմանում
• Հանում — խճանկար 100 -ի սահմանում
• Բազմապատկում — 1, 2, 3, 4, 5, 6, 7, 8, 9, 10
• Բաժանում — 1, 2, 3, 4, 5, 6, 7, 8, 9, 10
• Ժամացույց

Ուսումնական տեսանյութեր՝

• Թվերի կլորացում
• Եռանիշ թվերի գումարում
• Եռանիշ թվերի հանում օրինակ 1
• Եռանիշ թվերի հանում օրինակ 2
• Գումարման և հանման գործողություն բաց թողնված գործակցով
• Բազմապատկում և բաժանում բաց թողնված գործակցով

Читать далее «Աշխատանքային նախագիծ 16-20-2023» →

Մասնակիցներ՝ Հյուսիսային դպրոցի 3.1 և  2․1 դասարանների սովորողներ
Օրը՝ հունվարի , ժամը՝1
Վայրը՝ Հյուսիսային դպրոցի, 3.1 դասասենյակ
Պատասխանատուներ՝ Մանուշակ Աբրահամյան, Սրբուհի Ներսիսյան

Սովորող-սովորեցնող համագործակցային նախագծի շրջանակներում 3.1 դասարանի սովորողներն իրենց կրտսեր ընկերներին շարժական բացիկներ ստեղծելու հմտություններ են փոխանցելու։

Նկարագրություն

Աշխատելու են փոքր խմբերով (1+1 կամ 1+2 սկզբունքով)։  3.1 դասարանի սովորող կրտսեր ընկերոջը (ընկերներին) սովորեցնելու է.

• paint-ով նկարը քայլերով պահպանել,
• կիրառել մոնտաժային ծրագրի գործիքները
• ստեղծելու են ձմեռային մեդիաբացիկ:

Ամփոփումը՝ դասարանական բլոգներում, ենթակայքում։

Օրը՝  հունվարի 11
Մեկնումը՝ 10:15
Ժամանումը՝ 13:00

Մասնակիցներ՝ Հյուսիսային դպրոցի 5-6 տարեկաններ, 1-3-րդ դասարանների սովորողներ
Պատասխանատու՝  Մանուշակ Աբրահամյան, Կարինե Խառատյան, Անուշ Աթայան, Կարինե Մամիկոնյան, Ազնիվ Մանուկյան, Լիանա Ռոզիկյան, Մարի Միքայելյան, Մանե Հարությունյան, Սրբուհի Ներսիսյան

Վայրը՝  «Պատանի հանդիսատեսի թատրոն»
 Հասցե՝ Մոսկովյան փող., 3 շենք

Նպատակը՝  «Բրեմենյան երաժիշտները» երաժշտական ուրախ ներկայացման դիտում:

Ամփոփում՝

Ճամփորդությունից հետո սովորողները կներկայացնեն իրենց տպավորությունները՝ տեսանյութերի, ձայնագրությունների տեսքով, որոնք կամփոփվեն դասարանական բլոգում։

Նախահաշիվ՝

Ներկայացման տոմս՝  1500 դրամ

Տրանսպորտ՝ 500 դրամ

Մասնակիցներ` Հյուսիսային դպրոցի 3.1 ջոկատ

Նախագծի նպատակը

• Դդմի մասին  նոր տեղեկությունների ձեռքբերում
• Դդմի օգտակար հատկություններին մասին տեղեկությունների հավաքում google որոնողական ցանցից
• Ղափամայի ծեսի նախապատրաստում

Նախագծի խնդիրները

• Բանավոր և գրավոր խոսքի զարգացում
• Լեզվամտածողության և երևակայության զարգացում
• Բառապաշարի հարստացում
• Մեդիահմտությունների զարգացում

Գործունեության ձևեր

• Նախապես գրանցել, թե ինչ գիտեն դդմի մասին, նախագծի  վերջում համեմատել իմացածն ու նոր ձեռք բերածը
• Դդմի մասին առած- ասացվածքների, շուտասելուկների, հանելուկների, խնդիրների  հորինում
• Paint-ով դդմային կերպարներ նկարել, պատմել նկարի մասին
• Աղյուսակներ կազմել, գրանցել տեղեկությունները
• Դդմային պատմությունների հորինում և ձայնագրում

Խոհանոցային գործունեություն

Դդմային կերակրատեսակների` աղցանի, թխվածքաբլիթի, ղափամայի պատրաստում

Տեխնոլոգիական գործունեություն

• Դդմատիկնիկի պատրաստում
• Դդմանկար. դդումները գուաշով ներկում ենք, կերպավորում
• Ստացված կերպարներով փորձում ենք ներկայացում խաղալ
• Ղափամայի ծեսի համար ճակտնոցների, գոտիների, թևնոցների պատրաստում

Դդմագլոր խաղ. Խաղը սկսում ենք բակում: Սովորողները դդումները գլորում են, հետո փորձում հաշվել, թե քանի ոտնաչափ է իրենց գլորած դդմի ճանապարհը:

Խաղ մարզադահլիճում. Սովորողները բաժանվում են երկու խմբի: Խմբից մեկը գլորում է դդումը, իսկ մյուսը պետք է այդ նույն ճանապարհով ինքը գլորվի, վերցնի դդումն ու դդմի հետ գլորվելով հետ վերադառնա:

Շրջանաձև նստում են, դդումն իրար գլորում, ում գլորում են, նա դդում բառով նոր բառ է ասում, կազմում /դդմախնձոր, դդմագդալ, դդմափիղ/

Երաժշտություն

• Ղափամայի ծիսական երգերի
• Ազգային պարերի ուսուցում

Ընտանեկան նախագծեր

• Մայրիկի, տատիկի հետ դդմային կերակրատեսակների պատրաստում
• Դդմի մասին տեղեկատվական տեսանյութերի ստեղծում

Անհրաժեշտ գործիքներ

• Նոթբուք
• Թվային ֆոտոխցիկ
• Ձայնագրիչ
• Հեռախոս

Նախագծի արդյունքում կունենանք

• Դդմային կերակրատեսակներ
• Դդմահեքիաթի և դդմապատմություններ
• Դդմաընթերցարաններ
• Դդմային կերպարներով ֆոտոշարքեր
• Նախագծի ընթացքի մասին պատմող ֆիլմեր

Նպատակը

• Scratch ծրագրի ուսումնասիրում
• հմտությունների փոխանակում
• միասին աշխատելու կարողությունների զարգացում

Ընթացքը

Դիջիթեք 2023-ի շրջանակներում 5-րդ դասարանի սովորողները 3-րդ դասարանի սովորողներին կփորձեն ներկայացնել․

• Սովորում են շարժում և սենսորներ բաժինները (Motion & Sensing):
• Ծանոթանում ենք ցիկլներին: Գծում ենք երկրաչափական պատկերներ:
• Ծանոթանում ենք փոփոխականներին և ֆունկցիաներին:
• Ստեղծում ենք խաղ “Ընկնող բանաներ”:

Որպես օրինակ կառաջնորդվենք խաղից․

Scratch ծրագրով խաղ իմ կողմից

Արդյունքները

Կամփոփվեն սովորողների և իմ բլոգներում

Ստեղծված խաղերը, վիկտորինանաերը կներկայացվեն․ Բնագիտության և տեխնիկական ստեղծագործության նախագծերի ստուգատեսին։ Անվանակարգը՝ ուսուցողական խաղերի և ծրագրերի կիրառություն