Ճանապարհային քարտեզ

Բարձունքի հաղթահարում  նախագծերով պատրաստվում ենք իրականացնել ուսումնահայրենագիտական ճամփորդություն Գեղարքունիքի մարզ՝ Ծաղկունք գյուղ:

Ճամփորդության օրը՝ հունիսի 1

Մեկնում՝ Սուրբ Երրորդություն եկեղեցու բակից

Ժամը՝ 9։00 — 16։30

Ճամփորդության պատասխանատուներ՝ Սրբուհի Ներսիսյան,Մարի Միքայելյան, Ռոզա Մելիքյան,Սիրանույշ Պետրոսյան, Անահիտ Կիրակոսյան, Սուսաննա Պետրոսյան

Ճամփորդության մասնակիցներ՝ Հյուսիսային դպրոցի 3,1, 3,3 դասարանների սովորողներ, ծնողներ

Իրականացվող նախագծեր

• Բարձունքի հաղթահարում
• Հակաբացիլ Կոմիտաս 2023
• Պարերգերի ուսուցում
• Էկո նախագիծ

Նպատակը՝ Սովորողների ստեղծագործական, հայրենագիտական, աշխարհագրական, ճամփորդական գիտելիքների զարգացում, ամրապնդում, կողմնորոշում տեղանքում, հայրենիքի տեսարժան վայրերի ու բարձունքերի բացահայտում:

Ընթացքը՝

Աշխարհագրական-հայրենագիտական

• Ճանապարհին հանդիպող գյուղերի ցուցանակների գրանցում

Ընթերցողական

• Վերելքի ընթերցումների ընտրանի ընթերցումներ, Հակաբացիլ Կոմիտասի երգերի կատարում բարձունք հաղթահարելիս, բարձունքին, ճանապարհին…

Բնապահպանական

• Աղբից մաքրում ճանապարհը, Սուրբ Սարգիս եկեղեցու հարակից տարածքը, լուսանկարում

Տեխնոլոգիական

• Բարձունքում իրականացնում պարերգի ուսուցում

Անհրաժեշտ պարագաներ՝

• Ուսապարկ
• Բրդուճներ, ջուր
• Թաց և չոր անձեռոցիկներ
• Արևապաշտպան գլխարկ
• Հարմար հագուստ, կոշիկ
• Բուժական արկղիկ
• Մեդիագործիքներ – հեռախոս, պլանշետ, ֆոտոխցիկ, ձայնագրիչ
• Գուաշ /ջրաներկ/, վրձին, ջրաման, թղթեր, գոգնոցներ
• Աղբի տոպրակ, մեկանգամյա օգտագործման ձեռնոցներ
• Հեռադիտակ

Ճամփորդ սեբաստացին

• չի ուշանում
• չի տրտնջում
• չի հոգնում
• չի խուսափում դժվարություններից
• օգնում է ընկերոջը
• մաքուր է պահում շրջապատը
• կարգապահ է
• լուսաբանում է, պատմում, ներկայացնում
• իր հետ չի բերում գազավորված ըմպելիք, չիփսեր։

Ընդհանուր տեղեկություն

Սուրբ Սարգիս մատուռը գտնվում է գյուղից 0,5 կմ արևելյան բլրի վրա։ Թվագրվում է 7-19 դդ. ըստ ճարտարապետական վերլուծության և կատարման տեխնիկայի։ Հատակագիծը խիստ խախտված է, այն հավանաբար եղել է եռախորան կենտրոնագմբեթ կառույց։ Մուտքը արևմտյան կողմից է։ Ներսում և արտաքուստ կան խաչքարեր, կառուցված է սրբատաշ գորշ բազալտից, մատուռի չափսերն են ՝ 6.5×4.2մ)։ Ներսում և դրսում կան 10-15 դդ. խաչքարեր։ Մատուռը վերականգնվել է և նրա կողքին 2006 թ. ավարտվել է նաև Սուրբ Սարգիս եկեղեցու կառուցումը՝ ճարտարապետ Վաչագան Թադևոսյանի նախագծով և բարերար Արսեն Աղաջանյանի հովանավորությամբ։ Եկեղեցու օծման արարողությունը տեղի ունեցավ 2006 թ. հոկտեմբերի 7-ին։ Մուտքի առաջ տեղադրված է զոհասեղան և ծակ քար, շրջակայքի գերեզմանները թվագրվում են 10-13-րդ դդ.։

Նախագծի ամփոփում `

• Պատմել օրվա մասին՝ պահպանելով գործողությունների հաջորդականությունը։
• Ստեղծված նյութերը հրապարակել դասարանական բլոգում, սովորողի անհատական բլոգում, ենթակայքում, կայքում։