Կրթահամալիրում թթուդրիկն ամենամյա ավանդական ծես է, որը խորհրդանշական է: Ծեսն ուսումնական գործունեություն է և ընդգրկում է գործունեության գրեթե բոլոր ձևերը:

Մասնակիցներ՝ 1․1 դասարանի սովորողներ, ծնողներ

Վայրը՝ դասարան-լաբորատորիա

Նախագծի նպատակն ու խնդիրները

• Նախագծի  ընթացքում սովորողների մոտ ձևավորել ինքնուրույնություն
• Ճանաչողական,  տեղծագործական երևակայության, կարողությունների զարգացում, համագործակցային կարողության զարգացում, դիտարկումներ անելու կարողության զարգացում, բանավոր խոսքի զարգացում:
• Նախապատրաստվել կրթահամալիրի տոնին

Գործունեության ընթացք

Նախապես թթուդրիկի ընթացքը բաժանում ենք փուլերի

Իմացական և ճանաչողական — ծանոթանում ենք բանջարեղենների օգտակարությանը, հատկությանը, համին:
Հարցեր.

Ի՞նչ բանջարեղեններ են աճում աշնանը
Որո՞նք կարելի է օգտագործել թթվի մեջ: Ինչո՞ւ:
Որո՞նք չի կարելի  օգտագործել թթվի մեջ: Ինչո՞ւ:
Ինչո՞ւ է պղպեղը կծու
Ինչո՞ւ է ճակնդեղն ալ կարմիր
Ինչո՞ւ է վարունգը  կանաչ
Այս շարքը կարելի է շարունակել:

Ստեղծագործական  — ստեղծագործում են սովորողները: Յուրաքանչյուրը նկարագրում և բնութագրում է բանջարեղեններից մեկին, խոսում իր պատկերացումների մասին:

Մաթեմատիկական —Կազմում ենք գնումների ցուցակ: Գնումների ժամանակ սովորողները գումարումև հանում են բանջարեղենը, հաշվում, որ բանջարեղենից քանի հատ են գնել, համեմատում դրանց քանակը ։ Խոհանոցային գործունեության արդյունքում յուրաքանչյուր բանջարեղենից տարբեր կերպարներ են ստանում և անուններ դնում։ Երեխաները դրանց շուրջ հորինում են հեքիաթներ, հանելուկներ կամ հեքիաթներ և ներկայացնում տեսանյութով։

Բանջարեղենով գրում մեզ ծանոթ բառերը/ այլընտրանքային բառգրոցի/ և ներկայացնում ֆոտոպատումով կամ տեսանյութով։

Paint ծրագրով, գուաշով նկարում են բանջարեղեն։ Հորինում են տարբեր խնդիրներ,  պատմություններ բանջարեղենի մասին: 

Տատիկներից, մայրիկներից  վերցնել թթվի պատրաստման հետաքրքիր բաղադրատոմս:

Ցուցակ ենք կազմում

Հաշվարկներ ենք անում

Բաղադրատոմսեր ենք հավաքագրում

Խնդիրներ կազմում

Գնումներ ենք կատարում

Գործնական — կազմակերպում ենք թթուդրիկի ծեսը ընտանիքում: Թթու դնում: Սովորողների հետ միասին քննարկում ենք, թե ինչո՞ւ ենք թթու դնում, ինչպե՞ս ենք դնում,  առողջարար է, թե՝ ոչ և այլն:

Մեդիատեխնոլոգիական հմտություններ
Սովորողներից յուրաքանչյուրն իր ամենասիրելի բանջարեղենի համար տեղեկատվական փաթեթ է պատրաստում և բանջարեղենը նկարում Paint նկարչական ծրագրով:

Տեխնոլոգիա, բնագիտություն
Կարևորվում է այն, որ սովորողներն ինքնուրույն լվանան բանջարեղենը, մաքրեն կանաչին, կեղևազերծեն սխտորը և այլն: Ինքնուրույն էլ տեղավորեն տարրայի մեջ:

Քննարկում ենք նաև մի կարևոր հարց, թե ի՞նչ երևույթ է թթվելը, ի՞նչ է տեղի ունենում բանջարեղենի հետ, գույնն ու ձևը փոփոխվո՞ւմ է, թե՝ ո՛չ:

Ընտանեկան նախագծեր

• Սովորողները հարցազրույց են վերցնում տատիկներից
• Ինչո՞վ  են թթու դնում  իրենց գյուղում
• Ի՞նչ ավանդույթներ, հիշողություններ ունեն թթու դնելու հետ կապված

Թթուդրիքի ընթացքը ներկայացնում եք տեսանյութով։

Տեսանյութերը ուղարկել իմ էլ․հասցեին՝ s-nersisyan@mskh.am