Տևողությունը՝ Նոյեմբեր ամիս

Նպատակը՝ Սովորողների, նրանց ընտանիքների կրթահամալիրային (կրթական, ուսումնական) գործունեության միջոցով ֆիզիկական և մեդիա միջավայրում հասանելի (հրապարակային), հասկանալի (ընկալելի) դարձնել կրթահամալիրի գործունեությունը, պատմությունը, մանկավարժական մոտեցումները (մեր այլընտրանքը):

Ֆիզիկական միջավայրը՝ դասասենյակ-լաբորատորիա, խոհանոց-լաբորատորիա, դպրոց-պարտեզ, խանութ, ընտանիք, բնագիտության լաբորատորիա, սրահ, մարմնամարզական դահլիճ:

Մեդիամիջավայրը՝ դասարանական բլոգ, ենթակայք, կայք:

Անհրաժեշտ գործիքներ՝ անհատական նեթբուք-նոթբուք, ֆոտոխցիկ, տեսախցիկ, ձայնագրիչ, էլեկտրոնային գրատախտակ (պրոյեկտոր), խոհանոցային պարագաներ (տախտակ, դանակ, փայտիկներ), գոգնոց, գլխարկ, նկարչական պարագաներ (գուաշ, ջրաներկ, վրձին, ջրաման), բանջարեղեն, բնագիտական գործիքներ և նյութեր:

1-ին դասարան

Խնդիրները՝

• Բանավոր խոսքի զարգացում
• Ստեղծագործական երևակայության զարգացում
• Տառաճանաչություն
• Շրջակա միջավայրի նկատմամբ հոգատար ու ուշադիր վերաբերմունքի ձևավորում
• Ուսումնասիրելու, հետազոտելու կարողության ձևավորում
• Մեդիահմտությունների զարգացում (paint նկարչական ծրագիր, ms office word)

Պատում-քննարկումների շարք՝

Ուղղորդող հարցեր՝

• Ես սեբաստացի եմ…
• Իմ ընտանիքի սեբաստացիները (ուսումնասիրություն)
• Ինչո՞ւ եմ սիրում կրթահամալիրը
• Ինչո՞ւ եմ ես սեբաստացի
• ինչպի՞սին է Սեբաստացին
• Ու՞մ անունն է կրում կրթահամալիրը
• Որո՞նք են կրթահամալիրի դպրոցներ
• Ով է Մխիթար Սեբաստացին
• Ի՞նչ կփոխեիք, կավելացնեիք կրթահամալիրում։

Ռադիոնյութեր, հարցազրույցներ

• Ինչպիսի՞նն են սեբաստացի ուսուցիչները

Թթուդրիք

• Նախապատրաստում (առևտուր, բանջարեղենային ուսումնասիրություններ)
• Իրականացում (տոնական երգ ու պար, իրականացում, բանջարեղենային կերպարներ)
• Ամփոփում

Հարիսայի ծես, թթվի համտես

Կրթական նորամուտներ, կրթական փոխանակումներ, ցուցահանդեսներ, ֆոտոցուցադրություններ

Մեդիաայբբենարանների հերթական էջի ստեղծում (թթու բառով)

Բնագիտական փորձեր, դիտարկումներ

• Աղաջուր

Երաժշտական, պարային ստեղծագործություններ

• Եկեք ծեծենք սոխ ու սխտոր
• Խորոզ
• Այլի հո
• Ջաղացի երգ
• Խնոցի
• Կոտ ու կես
• Հեփ-հոպ
• Թամզարա
• Թաշկինակներով պար

Այլ (ֆիլմ, մուլտֆիլմ, տեսադաս)

Նախագծի իրականացման ընթացքը (ընդհանուր նկարագրություն)

«Սեբաստացու օրեր. կրթահամալիրի տոն» ստուգատեսը մեկնարկում է պատում-քննարկումների, հարցազրույցների, ուսումնասիրությունների բազմաթիվ շարքերով, որտեղ սովորողները, նրանց ընտանիքի անդամները, ուսուցիչները պատմում ու փոխանցում են իրենց, կրթահամալիրի, մասին հետաքրքիր, սեբաստացիական պատումներ:

Թթուդրիկի ամենամյա ավանդական ծեսը խորհրդանշական է: Այն ուսումնական գործունեություն է և ընդգրկում է գործունեության գրեթե բոլոր ձևերը:
Մաթեմատիկայի, մայրենիի, օտար լեզուների դասաժամերի այդ օրերի թեման թթուդրիկի ծեսն ու դրան պատրաստվելն է: Միասին անհրաժեշտ գնացուցակ են կազմում, առևտուր են անում: Խմբավորում են բանջարեղենը ըստ տարբեր հատկությունների, խնդիրներ են կազմում, պատմություններ են հորինում, սովորում են դրանց անվանումները օտար լեզուներով: Խոհանոցային գործունեության արդյունքում բանջարեղենային տարբեր կերպարներ են ստանում, որոնք դառնում են թատերական, տիկնիկային ներկայացումների հերոսներ: Այս ընթացքում սովորած երգերով ու պարերով մեկնարկում է թթուդրիկը:

Առաջին դասարանցիները շարունակում են ստեղծել իրենց մեդիաայբբենարանների էլեկտրոնային էջերը: Paint նկարչական ծրագրով մուտքագրում են թթու բառը, նկարում են, հորինում են թթվային հանելուկներ, ասելուկներ, շուտասելուկներ: