Դեկտեմբերի 19-ին Հյուսիսային դպրոցի 1-3-րդ դասարանի սովորողներով ուղևորվեցինք դեպի Հովհաննես Թումանյանի անվան Տիկնիկային թատրոն՝ դիտելու «Սանտայի նվերները» ամանորյա ներկայացումը։Սովորողների հետ առաջին անգամ էինք գնալու թատրոն, այդ պատճառով նախ զրուցեցինք , թե ինչպիսին պետք է լինի հանդիսատեսը, այնուհետև խոսեցինք և ծանոթացանք ներկայացումների տեսակների մասին։Ծանոթացանք մեր ներկայացման թեմային և մեծ սիրով և հետաքրքրությամբ ուղևորվեցինք թատրոն։Ներկայացումը շատ հետաքրքիր էր, երաժշտական և շատ տպավորիչ։Սովորողները մեծ սիրով և ոգևորությամբ դիտեցին և մասնակցեցին ընթացքին։Ավելին տեսանյութում՝
Ուրախ մաթեմատիկա- Ամանորյա խնդիրների կազմում և լուծում
Բանավոր համրանք՝ 1-ից մինչև ․․․․․․․: Ամրապնդում ենք 1-10 թվերի կազմությունը։ Հաշվում ենք երկուական, հնգական հաշվով, տասական հաշվով։ Թվաբանական խաղ <<1-ով ավել, 1-ով պակաս, և այլն >>, <<Հարևան թվեր՝ 1-20>>՝ նախորդ և հաջորդ թվեր։Գտնում ենք բացակա թվերը թվային շարքի վրա։ Կատարում գումարման, հանման գործողություններ 20-ի սահմանում առանց կարգային անցումի։ Համեմատում ենք թվերը 20-ի սահմանում՝ (համեմատության նշաններ՝ <,>,=)
Սովորողների հետ բժշկական փայտիկներով և թելերով պատրաստեցինք տոնածառ՝ երգելով ամանորյա երգերն ու իհարկե նաև չմառացանք ամանորյա ասիկների և բարեմաղթանքների մասին։
Սովորողների հետ դասարանում paint ծրագրով նկարեցինք նամակներ Ձմեռ պապիկին և մեզ ծանոթ տառերով մուտքագրեցինք փոքրիկ նախադասություններ ։Սակայն սովորողները ցանկանում էին, որ իրենց նամակները ամբողջական լինեն և այդ պատճառով նամակները շարունակեցին նաև տանը՝ ծնողների օգնությամբ մուտքագրելով այն բոլոր ցանկությունները, որոնք ուզում էին, որ սիրելի Ձմեռ պապը իրականացնի։