Հյուսիսային դպրոցի 2.1 դասարանի սովորողները ներկայացնում են, թե իրենց պատկերացմամբ ինչից է պատրաստված Մխիթար Սեբաստացի Կրթահամալիրը։

Ներկայացնում է Եվա Դանիելյանը

Ինձ համար Մխիթար Սեբաստացի Կրթահամալիրը քաղցրավենիքի մի մեծ աշխարհ է: Այն ունի իր չորս դպրոց- գործարաները՝ Հյուսիսային, Հարավային, Արևելյան,Արևմտյան:

Ես կպատմեմ Հյուսիսային դպրոց-գործարանի մասին, քանի որ ես այնտեղ եմ սովորում:

Իմ դպրոցի պատերը ամբողջությամբ պատրաստված են շոկոլադե սալիկներից,իսկ տանիքը՝ վաֆլիներից: Ներքևի հարկում՝ ԱՐՏԱսահմանում,կան բազմաթիվ քանդակներ , որոնք պատրաստված են զեֆիրներից,դրաժեներից մարմելադներից, քաղցր բամբակներից և այլ

քաղցրավենիքներից : Իսկ մեր դպրոցը շրջապատված է տարատեսակ ծառերով ,որոնց վրա քաղցրավենիք է աճում:Երբ անձրև է գալիս,ջրի կաթիլների փոխարեն ադի բուդի է թափվում երկնքից:Այն աշխարհի ամենալավ դպրոց-գործարաններից մեկն է, որովհետև օրուգիշեր աշխատում է արտադրել աշխարհի ամեաորակյալ ու ամենահամեղ քաղցրավենիքները մեզ համար:

Ես շատ եմ սիրում իմ դպրոցը, որովհետև այն ամենաբարի դպրոցն է:

Ներկայացնում է Ռոման Մխեյանը

«Մխիթար Սեբաստացի» կրթահամալիրը։

Մեր կրթահամալիրը շատ գեղեցիկ է, մենք այնտեղ ունենք գեղեցիկ և մշակված այգի,որտեղ աճում են տարբեր ծառեր ու ծաղիկներ։Այնտեղ շատ հետաքրքիր է, քանի որ բացի ուսումնական ծրագրից զբաղվում ենք նաև կավագործությամբ, հեծանվավարությամբ ։Մեր կրթահամալիրում բոլորը սիրում են իրար։ Մեզ համար այն մեր երկրորդ տունն է ։

Ամենագեղեցիկ ու լավ դպրոցն է մեզ համար։

Ներկայացնում է Նենսի Ղարիբյանը

Ի՞նչից է պատրաստված «Մխիթար Սեբաստացի» կրթահամալիրը

Մխիթար Սեբաստացի կրթահամալիրը, իհարկե, կառուցված է քարից։ Սակայն այնտեղ ամեն ինչ այնքան բարի է, գեղեցիկ, լուսավոր ու պայծառ, որ ինձ թվում է, թե իմ դպրոցը կառուցված է գեղեցիկ, վառ գույներից, փերիներից, քաղցրավենիքից ու համեղ ուտելիքներից։ Ես շատ եմ սիրում իմ կրթահամալիրը

Ներկայացնում է Ավետիսյան Յանան

ՄԽԻԹԱՐ ՍԵԲԱՍՏԱՑԻ ԿՐԹԱՀԱՄԱԼԻՐ

Մխիթար Սեբաստացի կրթահամալիրը մի վայր է, որը պատրաստված է պանրից, և այնտեղ սովորում են մկները։ Մկները սովորում են մկներեն, ինչպես նաև իրենց թշնամու լեզուն՝ կատվերեն։ Պանրից պատրաստված դպրոցը շատ համեղ է մկների համար, բայց մկների տնօրենը չի թողնում դպրոցի պատերը կրծել։ Դասարաններում սեղանները պատրաստված են հացից, աթոռները պատրաստված են ընկույզներից, այգում աճում է տարբեր տեսակ կանաչեղեն, իսկ ճանապարհները կրթահամալիրի ներսում պատրաստված են լավաշներից։

Ներկայացնում է Մարի Սաղոյանը

Հորինի՛ր փոքրիկ պատմություն, թե ի՞նչից է պատրաստված «Մխիթար Սեբաստացի» կրթահամալիրը։

«Մխիթար Սեբաստացի» կրթահամալիրը պատրաստված է լավ սովորղներից, սիրող ուսուցիչներից և ուրախ երեխաներից:

Ներկայացնում է Սոֆի Սաղոյանը

Հորինի՛ր փոքրիկ պատմություն, թե ի՞նչից է պատրաստված «Մխիթար Սեբաստացի» կրթահամալիրը։

«Մխիթար Սեբաստացի» կրթահամալիրը պատրաստված է լավ ուսուցիչներից, լավ Քնարիկից, ուրախությունից, խաղերից, լավ դասարանից, լավ շներից, ուրախ բակից և շատ շատ երեխաներից և Սոֆիներից:

Ներկայացնում է Սառա Պողոսյանը

Մխիթար Սեբաստացի կրթահամալիրը կազմված է հետաքրքիր ծրագրերից։ ամենաշատը ես սիրում եմ կավով աշխանտանքը և ճամփորդությունը։ ինձ դուր է գալիս նաև լռության մեջ նկարելը, ինչպես նաև հեծանիվ վարելը։ Բաաա մեր ծեսերը ինչ լավն են ՝ թթուդրիկ,լավաշթխիկ։ Սիրում եմ Կոմիտասի երգերը, Թումանյանական օրերը, բացօթյա լողավազանը։

Ներկայացնում է Գագիկ Կարապետյանը

ի՞նչից է պատրաստված «Մխիթար Սեբաստացի» կրթահամալիրը

«Մխիթար Սեբաստացի» կրթահամալիրը պատրաստված է քարից, լուսավոր պատուհաններից, գեղեցիկ բակից, որը տարվա բոլոր եղանակներին շատ գեղեցիկ է։ Մեր կրթահամալիրում հետաքրքիր է ամեն անկյուն։ Ունենք շունիկ՝Ածին, շատ բարի շնիկ է։

Այստեղ բարություն և հոգատարություն է տիրում։ Մեր կրթահամալիրը լավ ու բարի ուսաուցիչների, խելացի աշակերտների և բնության ամբողջություն է։

Ներկայացնում է Տիգրան Ներսիսյանը

Մխիթար Սեբաստացի կրթահամալիրը պատրաստված է շատ ակտիվ և հետքրքրասեր երեխաներից, ուսուցիչներից, որոնք ամեն օր մեզ նոր բան են սովորեցնում, գեղեցիկ բակից, որտեղ տարբեր բույսեր են աճում, ավտոբուսներից,որոնք մեզ ամեն օր տանում են դպրոց:

Ներկայացնում է Ալեքսա Շահբազյանը

Թե ինչի՞ց է պատրաստված <<Մխիթար Սեբաստացի >> կրթահամալիրը

<<Մխիթար Սեբաստացի >> կրթահամալիրը պատրաստված է շա՜տ սիրելի ուսուցիչներից,մե՜ծ սիրուց և հրաշալի կրթությունից։ Մխիթար Սեբաստացի կրթահամալիրը մի օր ծնվեց հրաշքով,երբ Երեխաների երազանքները միախառնվեցին։Ամեն անկյունն իր պատմությունն ու խորհուրդն ունի։Դպրոցի բակը մաքուր ու կանաչ խոտով է ծածկված,որ աճում է շնորհիվ այն ժպիտների,որ երեխաները բերում են առավոտյան։Կրթահամալիրում կա մի մեծ սիրտ,այն պատրաստված է սիրուց։Ամեն աշակերտ,ով կմտնի այնտեղ,իր հետ կտանի մի փոքրիկ մաս այդ սիրուց ու կավելացնի իր աշխարում։

Ներկայացնում է Նարե Մաթևոսյանը

Մխիթար սեբաստացի կրթահամալիրը պատրաստված է մեծ սիրուց։ Դպրոցը սեր է, իսկ այնտեղ սովորող երեխաները ինքնուրույն անհատներ։ Դպրոցը պատրաստված է օգտակար մրգերից։ Մենք այնտեղից դուրս ենք գալիս լիքը գիտելիքներով ‘ուտելով այդ մրգերը։

Ներկայացնում է Էլինա Գևորգյանը

Մխիթար Սեբաստացի կրթահամալիրը պատրաստված է վարդագույն տուֆից:

Այն ունի մի քանի մասնաճյուղ ՝ Հյուսիսային, Հարավային, Արևելյան, Արևմտյան, Քոլեջ և Մայր դպրոց :Այնտեղ աշխատում են շատ խելացի ,հոգատար և բարի ուսուցիչներ:Իսկ այնտեղի սաները շատ խելացի են,իքնուրույն և բազմակողմանի զարգացած: Ես ուրախ եմ,որ Մխիթար Սեբաստացի կրթահամալիրի սան եմ:

Նախագիծը` Համագործակցություն «Սովորող-սովորեցնող»  նախագծով

Նոյեմբերի 14-ին, Հյուսիսային դպրոցի 5-3 և 2-1 դասարանները ունեցան հավես համագործակցային հանդիպում։ 5-3-ը  սեբաստացիական խաղ-վիկտորինա էր պատրաստել, ինչին հեշտությամբ ու ուրախությամբ մասնակցեցին 2-1-ի սովորողները, նույնիսկ չէին օգտագործում տրված ժամանակը, մեկը մյուսին գերազանցելով պատասխանում էին հարցերին ու այդ ընթացքում հասցնում նշել նաև ճիշտ պատասխանները։

Հանդիպումը հագեցած էր ժպիտներով, հմտությունների փոխանցմամբ ու սեբաստացիներին բնորոշ հավեսով։

Մանրամասները` տեսանյութում.

Հյուսիսային դպրոց-պարտեզի 2․1 և 3․3 դասարանի սովորողները «Ուսումնական մառան » նախագծի շրջանակում պատրաստեցին արդեն ավանդույթ դարձած աշնանային քաղցրահամ շարոցները։ Սովորողներն ինքնուրույն շարեցին, համեմատեցին, ավելացրեցին և պակասեցրեցին ընկույզները, որից հետո շարոցներն ուղարկեցին քաղցրահամ շփոթի մեջ։ Ավելին՝ տեսանյութերում

<<Սեբաստացու օրեր>> նախագծի շրջանակում համագործակցել ենք Քանդակի դպրոցի և ընկեր Ալիսի հետ՝ պատրաստել ենք կավե մագնիսներ։Թեման ընտրել էինք տիեզերքը։Արդյունքում ստացված աշխատանքները ներկայացնելու ենք ցուցահանդեսին։աշխատանքները ինչպես միշտ շատ յուրահատուկ էին ստացվել։Յուրաքանչյուրը իր աշխատանքը կատարել էր յուրովի հետաքրքիր և գեղեցիկ։

Արդեն երկրորդ փուլում աշխատանքները գունավորեցինք։