Մաթեմատիկան կարելի է արդյունավետ կազմակերպել նաև առանց գրատախտակի, եթե ճիշտ են ընտրված մեթոդներն ու աշխատանքային ձևերը։ Մենք մշտապես օգտագործում ենք մեր միջավայրը, շրջապատող իրերը, գույքը և այլն մաթեմատիկական գործողությունները կատարելու համար, դրանց միջոցով ավելի պատկերավոր են դառնում խնդիրներն ու առաջադրանքները:
Հիմնականում դասը սկսում ենք բանավոր համրանքով:Նախապես սովորողները բլոգից ներբեռնում են աշխատանքային ֆայլերը, որոնք միասին քննարկում ենք, բանավոր կատարում , նաև նմանատիպ օրինակներ մտածում:Անհասկանալի հարցերի դեպքում համակարգիչը միացնում եմ հեռուստացույցին, ինչն ավելի պատկերավոր է դարձնում քննարկումը:Սովորողները միասնական ակտիվ քննարկում են սկսում և սիրում են նմանատիպ օրինակներ էլ իրենք առաջարկեն:
Շատ հաճախ ենք կիրառում նաև Paint նկարչական ծրագիրը՝ խնդիրները նկարելով լուծելու համար:Ընդհանրապես նկարելը խնդիրները լուծելու լավագույն տարբերակներից է, քանի որ ամեն բան ավելի պատկերավոր է դառնում սովորողի համար և շատ արագ կողմնորոշվում են:Դասի ավարտն ամփոփում ենք խաղերով, համրանքով, շատ հաճախ սովորողների կողմից կազմած և առաջարկած խնդիրներով, որոնք տվյալ ամսվա նախագծերի շուրջ են կազմվում:

«Մխիթար Սեբաստացի» կրթահամալիրում սովորողի ընտրությամբ գործունեությունը կազմակերպվում է ըստ ուսումնական պլանի:

Ընտրությամբ գործունեության բանավոր մաթեմատիկա. 2025-2026 ուստարի

Բանավոր մաթեմատիկայի աշխատանքը կազմակերպում ենք տարբեր միջավայրերում՝ թե դասարանում, թե դպրոցի շրջակայքում։ Միջավայրի փոփոխությունը ևս հետաքրքրություն է առաջացնում սովորողների մոտ, քանի որ փոխվում են նաև գործունեության գործիքները։Բացօթյա միջավայրում մաթեմատիկան դառնում է ավելի կենդանի։Սիրում ենք ոտնաչափերով հաշվել, ծառերի, ծաղիկների հետ կապված խնդիրներ լուծել, քարերով հավես հաշվարկներ անել և խնդիրներ հորինել։Այդպես նաև նոր խաղեր ենք ստեղծել․օրինակ՝ դոմինո, X և Y և այլն։

Բանավոր մաթեմատիկայի ժամերին աշխատանքը կազմակերպում ենք տարբեր մեթոդներով`

1.Բանավոր համրանք

2.Արագ հարց ու պատասխան
3.Համեմատություններ, օրինաչափություններ
4.Մաթեմատիկական խաղեր և´ օնլայն, և´ մեր կողմից մտածված և ստեղծված խաղերի օգնությամբ
5.Ամենամսյա մաթեմատիկայի ֆլեշմոբերի խնդիրների և այլ տրամաբանական խնդիրների քննարկում, խաղի միջոցով կամ paint ծրագրով ներկայացում:
6.Ռեբուսներ, լաբիրինթոսներ, լուցկիներով խնդիրներ և այլն

Օգտվելով եղանակային պայմաններից մենք հաճախ ենք օգտվում Հյուսիսայկին դպրոցի բացօթյա պարտեզիցէ այն վերածելով կրթական պարտեզի։Այս անգամ մաթեմատիկայի պարապմունքը կազմակերպեցինք ներքին բակում։

«Մխիթար Սեբաստացի» կրթահամալիրում սովորողի ընտրությամբ գործունեությունը կազմակերպվում է ըստ ուսումնական պլանի:

«Մաթեմատիկա բանավոր»  դասընթացին մասնակցում են մաթեմատիկա սիրող սովորողները՝ որպես նախասիրության զարգացման միջոց:

Դասընթացի նպատակը սովորողի նախասիրության զարգացումն է:

Դասընթացի խնդիրներն են՝

սովորողների մոտ զարգացնել ուշադրությունը, հիշողությունը, դիտողականությունը, աշխատասիրությունը, նպատակասլացությունը, համբերությունը, ինքնուրույնությունը, հնարամտությունը, հետազոտելու, վերլուծելու, ընդհանրացնելու, դատողություններ անելու, կոնկրետ իրավիճակներում արագ կողմնորոշվելու կարողությունները:

Ուսումնական միջավայրը

Ուսուցումը կազմակերպվում է անվտանգ, հիգենիկ և լուսավոր միջավայրում (դասարան-լաբորատորիա, բակ-պարտեզ,տեխնոպարկ,  ընտանեկան միջավայր, առցանց հարթակներ)՝ սովորողի մտավոր և ֆիզիկական զարգացման համար անհրաժեշտ պայմանների և միջոցների կիրառմամբ:

Անհրաժեշտ  պարագաներ՝ համացանցին միացված անհատական ուսումնական գործիք՝ նեթբուք կամ նոթբուք, ժամացույց, կշեռք, մետր, կառուցողական (ինքնաշեն) խաղեր, սեղանի խաղեր ու խաղալիքներ, այլ:

Դասընթացի կազմակերպումը

Ուսումնական պարապմունքների կազմակերպումը հիմնականում առկա է, սահմանված կարգով իրականացվում է նաև հեռավար, առցանց և տնային ուսուցման ձևերով։  Դասընթացի կազմակերպման կարևոր բաղադրիչը բանավոր հաշվարկն է: Ուսումնական գործընթացի ընթացքում իրականացվում են նաև նախագծային, խմբային, ինքնուրույն աշխատանքներ, խնդիր-առաջադրանքների վերլուծություն, քննարկում, լուծում, լուծման տարբեր եղանակների բացահայտում:

Թեմաները

• Մաթեմատիկան մեր շուրջը. Մաթեմատիկայի պատմությունից, ինչպես է առաջացել մաթեմատիկա բառը, ինչպես են հաշվել նախամարդիկ:
• Մաթեմատիկական նշանների առաջացումը
• Թվերի և թվանշանների աշխարհում
• Մաթեմատիկական ֆոկուսներ
• Մաթեմատիկական լաբիրինթոսներ
• Օրինաչափություններ
• Գլուխկոտրուկներ
• Ռեբուսներ
• Խաչբառեր
• Հետադարձ լուծմամբ խնդիրներ
• Առաջադրանք –թակարդներ, կատակ –խնդիրներ
• Մաթեմատիկական խաղեր
• Խնդիրներ վերալցման վերաբերյալ
• Խնդիրներ կշռման վերաբերյալ
• Խնդիրներ շարժման վերաբերյալ
• Կոմբինատորական  առաջադրանքներ
• Կախարդական շրջան
• Մոգական  քառակուսիներ
• Կառուցողական առաջադրանքներ
• Թանգրամներ
• Ճապոնական սուդուկոներ

Բանավոր մաթեմատիկա. ընտրությամբ գործունեություն
1-3-րդ դասարաններ
2023-2024 ուսումնական տարի

«Մխիթար Սեբաստացի» կրթահամալիրում սովորողի ընտրությամբ գործունեությունը կազմակերպվում է ըստ ուսումնական պլանի:

• Սովորողն իր ընտրությամբ շաբաթական 2 ժամ մասնակցում է «Երաժշտական գործունեություն», «Կերպարվեստ», «Մարմնամարզություն», «Մաթեմատիկա բանավոր» դասընթացներից մեկին:

«Մաթեմատիկա բանավոր»  դասընթացին մասնակցում են մաթեմատիկա սիրող սովորողները՝ որպես նախասիրության զարգացման միջոց:

Դասընթացի նպատակը սովորողի նախասիրության զարգացումն է: