Ճամբարականները Ազգագրական փառատոնի շրջանակում ծանոթացան ազգային զարդանախշերին և հայկական տարբեր տարածաշրջանների տարազներին։Հայկական տարազների թեման շատ հետաքրքիր էր ճամբարականներին։Զրույց-քնննարկումից հետո paint ծրագրով նկարեցին հայկական տարազներ։

«Ազգագրության փառատոն 2024» -ի շրջանակում ծանոթացանք նաև ազգային պարերին, սովորեցինք մի քանի պար՝ « Թաշկինակներով պար», «Օր պար, ճոր պար» և ավագ դպրոցի սովորողների հետ սովորեցինք « Գյովընդ» ազգային պարին։ Սովորողները հատված-հատված պարը ցույց տվեցին, փորձեցին այդպես պարել և հանդիպման վերջում ամբողջական պարը ներկայացրեցին։Կեցցե՜ն բոլորը։

Դեռևս հին ժամանակներից մարդիկ կազմակերպել են բազմազան խաղեր, որոնց միջոցով իրենց երեխաներին են փոխանցել որոշակի հմտություններ ու գիտելիք՝ դարձնելով դրանք ազգային նկարագրի մի մաս։ Խաղերը կազմակերպվել են ինչպես միայն աղջիկների կամ տղաների, այնպես էլ համատեղ խաղալու համար։

«Ազգագրության փառատոն 2024» -ի շրջանակում ծանոթացանք նաև ազգային խաղերից մի քանիսին և խաղացինք դրանք մեծ սիրով և ոգևորությամբ։Այս անգամ որոշեցինք խաղալ Աղջիկ փախցնոցի խաղը, որը սովորողների կողմից ամենասիրելիներից է։

«Ազգագրության փառատոն 2024» -ի շրջանակում «Մանի՜ր,մանի՜ր ի՜մ ճախարակ»  նախագծով աշխատեցինք ընկեր Արմենուհու հետ, ծանոթացանք ազգային աշխատանքային երգերին, ազգային աշխատանքային գործիքներին՝ իլիկին և ճախրակին։Սովորողների հետ այցելեցինք ընկեր Հասմիկի մոտ, ծանոթացանք այդ գործիքներին, դրանց աշխատելու ձևին և սովորողները իրենց ձեռքով ճախրակի և իլիկի միջոցով բրդից թել ստացան։Շատ ոգևորիչ և կարևոր օր էր սովորողների համար։

Ընթացքը տեսանյութով՝