<<Ձոն>> ուսումնական նախագծի ընթացքում համագործակցեցինք տեխնոլոգ Մերի Գրիգորյանի հետ և նկարեցինք մայրիկների դիմանկարները։Նկարները իհարկե անակնկալ էին մայրիկների համար, և սովորողները շատ սիրով անակնկալն իրականացրեցին։Նկարները ցուցադրեցինք նաև Հյուսիսային դպրոցի ցուցահանդեսին։

Ապրիլի 4-ը Ղազարոս Աղայանի ծննդյան օրն է: «Կարդում ենք Աղայան» նախագծի շրջանակում Հյուսիսային դպրոցի կրտսեր սովորողները առավոտյան ընդհանուր պարապմունքին օրն սկսեցին աղայանական ստեղծագործությունների ընթերցումներով, երգերով։

Նկարը՝ Փանոսյան Հասմիկի

Մասնակիցներ՝ Հյուսիսային դպրոցի 1.1 դասարանի սովորողներ

Ժամանակահատվածը՝ ապրիլ ամիս

Նպատակը

Ռոդարիական հնարք-մեթոդները՝ զարգացնելով ստեղծագործական մտածողությունը կնպաստեն  սովորողների ինքնուրույն մտածելու, դիտարկելու, ուսումնասիրելու, անսովոր լուծումներ գտնելու կարողությունների զարգացմանը՝ կիրառելով ու զարգացնելով մեդիահմտությունները:

Խնդիրները՝

• ստեղծագործական երևակայության զարգացում
• բանավոր ու գրավոր խոսքի զարգացում
• ընթերցելու որակական հատկանիշների բարելավում
• ուսումնասիրելու, դիտարկելու, անսովոր լուծումներ գտնելու կարողությունների զարգացում
• տեխնոլոգիական հմտությունների կիրառում ու զարգացում
• մեդիահմտությունների կիրառում ու զարգացում

Ուսումնական նյութեր

Ղազարոս Աղայանի մանկական ստեղծագործություններ

Ջանի Ռոդարիի ստեղծագործություններ

Ջանի Ռոդարի Ստեղծագործական երևակայության քերականություն

Ուղղությունները՝

• Ռոդարիական հնարքների կիրառմամբ անսովոր պատմությունների հորինում
• Աղայանը ռոդարիական պատումով
• Ռոդարին աղայանական պատումով
• Լիմերիքներ
• Լեզվական երկանդամներ
• Թարս հարցեր շիտակ պատասխաններով
•  «Շրջված»,  «շփոթված» պատմություններ
• «Ինչ կլիներ, եթե…»
• Անսովոր կերպարների պատրաստում անսովոր առարկաներից
• Ռոդարին խոհանոցում. անսովոր ուտելու կերպարներ
• Ռոդարին բակ-պարտեզում, լանջերին և այլուր

Աշխատանքները հրապարկվելու են բլոգում, ենթակայքում: