<<Ձոն>> ուսումնական նախագծի ընթացքում համագործակցեցինք տեխնոլոգ Մերի Գրիգորյանի հետ և նկարեցինք մայրիկների դիմանկարները։Նկարները իհարկե անակնկալ էին մայրիկների համար, և սովորողները շատ սիրով անակնկալն իրականացրեցին։Նկարները ցուցադրեցինք նաև Հյուսիսային դպրոցի ցուցահանդեսին։

«Ձոն» ստուգատես, «Մայրիկատոն»․․․

Սովորողները ամենամեծ ջերմությամբ պատմում են իրենց սիրելի մայրիկների մասին և ամենաանկեղծ բարեմաղթանքներն են հղում մայրիկներին։Շնորհավո՜ր սիրելի մայրիկներ․․․

Մայրիկատոն.Պատրաստում ենք գարնանային բացիկներ մեր սիրելի մայրիկների համար՝ գրելով փոքրիկ մաղթանքներ։

«Ձոն» ստուգատես, «Մայրիկատոն»…սիրտ ջերմացնող նախագիծ

Բնագիտության լաբորատորիայում, ավագ ընկերների, բնագիտության ուսուցչի՝ Անժելա Բլեյանիб օգնությամբ 1-1 դասարանի սովորողները իրենց ստեղծած ձեռագործ գիպսե ծաղկամանները զարդարեցին բույսերով։ Ուսումնական այսպիսի նախագիծը թույլ է տալիս սովորողներին ստեղծական արտահայտել իրենց սերն ու երախտագիտությունը մայրերին եւ բնությանը։ Յուրաքանչյուր շիվը տնկելուց սովորողները բարձրաձայն իրենց բարեմաղթանքներն էին հղում մայրերին, ծաղկին՝ ինչպես օրհնանքներ…

Ուզում եմ, որ իմ բույսը երկար ապրի եւ որախացնի մայրիկին, ուզում եմ, որ իմ բույսը ամեն օր ապրի …եւ այլն

Այս գործունեությունը խթանում է կարեկցանքը, երախտագիտությունը և խնամքի կարեւորությունը, միաժամանակ ստեղծելով մնայուն հիշողություններ, որոնք պետք է փայփայեն, սեր փոխանցեն մայրերին։

Հ.Գ. հատուկ շնորհակալություն բնագիտության ուսուցչուհի՝ Անժելա Բլեյանին եւ ավագ սովորողներին, հոգատար, սիրալիր աշխատանքի համար։

Գարուն, կանացիություն եւ ծաղկման գեղեցկություն…

«Ձոն» ստուգատեսի, «Մայրիկատոնի» շրջանակում Հյուսիսային դպրոցի 1-1 դասարանի սովորողները քանդակի արվեստանոցում ստեղծեցին անհատական գիպսե թաղարներ։

Մայրության օրվա համար գիպսե ծաղկամանների ստեղծումը սովորողներին բովանդակալից հնարավորություն է տալիս արտահայտելու իրենց ստեղծական ունակությունները, կարևորելու գարնան գեղեցկությունը և արժևորելու մայրության սերը: Գեղարվեստական ​​արտահայտչամիջոցներով սովորողները սովորում են տոնել և փայփայել կանանց՝մայրերին, ովքեր կենսական դեր են խաղում իրենց կյանքում:

Հ.Գ. հատուկ շնորհակալություն քանդակի ուսուցիչ՝ Ալիս Գեւորգյանին հոգատար, սիրալիր աջակցության համար

Ժամանակահատվածը՝ 1.03 — 07.04․2021

Մասնակիցներ՝ Հյուսիսային դպրոցի 1․1 դասարան

Նախագծի ընթացքը — Տեղեկանալ թե, ե՞րբ է ծնվել մայրիկը /օր, ամիս, տարի/ և եթե հիշում են ինչպիսի՞ եղանակ է եղել այդ օրը:

Տատիկ-պապիկներից հավաքել մայրիկների մանկության ամենասիրելի խաղերի, խաղալիքների, սովորությունների մասին տեղեկություններ: