Այսօր <<Սովորող-սովորեցնող>> և <<Բլոգավարություն>> նախագծերի շրջանակում կրկին հյուր էին եկել 2.1 դասարանի սովորողները, արդեն երկրորդ հանդիպումն էր։Հանդիպման ընթացքում նաև մեզ հյուր եկան Գյումրու թիվ 15 դպրոցի ուսուցիչները։Հանդիպմանը սովորողները միասին հնարեցին հորինուկ ՝ ռոդարիական երկանդամության խաղ-հնարքով և հրապարակեցին իրենց բլոգներում։Մեզ հյուր եկած ուսուցիչները հիացած էին սովորողների ստեղծագործակա մտքի թռիչքով , մեդիահմտություններով և կրթական մակարդակով։Հորինուկները առանձին հրապարակումով կհրապարակենք և կամփոփենք։
Рубрика: Մեդիահմտությունների փոխանցում․Սովորող-սովորեցնող նախագիծ
Բլոգավարություն.առաջին հանդիպում
Այսօր <<Սովորող-սովորեցնող>> և <<Բլոգավարություն>> նախագծերի շրջանակում մեզ հյուր էին եկել 2.1 դասարանի սովորողները, ովքեր դեռ նոր պետք է ունենան իրենց անհատական բլոգները։Մեր սովորողները իրենց ներկայացրեցին, թե ինչ է բլոգը, ինչպես այն օգտագործել, ինչի համար է նախատեսված և այլ հմտություններ, որոնք կիրառում ենք բլոգավարության ընթացքում։Սովորողները այդ ամենը ներկայացրեցին իրենց բլոգների օրինակի միջոցով։
Երկրորդ հանդիպման ընթացքում արդեն միասին հրապարակում կկատարեն կրտսեր սովորողների բլոգներում։
Ավելին տեսանյութում՝
Դիջիթեք 2023. scratch ծրագրի ծանոթացում.փուլ 1-ին
Ձմեռային ճամբարի ընթացքում Հյուսիսային դպրոցի 3․1 ջոկատին հյուր եկան մաթեմատիկների ջոկատը ընկեր Անիի հետ միասին։Հանդիպման ընթացքում մաթեմատիկների ջոկատի սովորողները կրտսեր ընկերներին ծանոթացրեցին scratch ծրագրի հետ, որի միջոցով հնարավոր է ուսումնական խաղեր ստեղծել։Հանդիպման ընթացքում սովորողները գրանցվեցին և ծանոթացան ծրագրի գործիքներին։Հանդիպումը շարունակական է լինելու։Համագործակցության ավարտին սովորողները կստեղծեն իրենց մտածած խաղերը և կներկայացնեն իրենց բլոգներում։
Սովորող-սովորեցնող նախագիծ.դդմածես.շարժական դդմաբացիկներ
Ձմեռային ճամբարի ընթացքում 3․1 դասարանի սովորողները հանդիպեցին 2.1 դասարանի սովորողների հետ և սովորեցրեցին ինչպես պատրաստել շարժական մեդիաբացիկներ։Քանի որ նաև դդմածես նախագիծն էինք իրականացնում այդ ընթացքում, այդ պատճառով սովորողները պատրաստեցին զվարճալի դդմաբացիկներ։Ընթացքը շատ հետաքրքիր էր կրտսեր սովորողների համար։
Սովորող-սովորեցնող․ փոխանցում եմ մեդիահմտություն
Մասնակիցներ՝ Հյուսիսային դպրոցի 3.1 և 2․1 դասարանների սովորողներ
Օրը՝ հունվարի , ժամը՝1
Վայրը՝ Հյուսիսային դպրոցի, 3.1 դասասենյակ
Պատասխանատուներ՝ Մանուշակ Աբրահամյան, Սրբուհի Ներսիսյան
Սովորող-սովորեցնող համագործակցային նախագծի շրջանակներում 3.1 դասարանի սովորողներն իրենց կրտսեր ընկերներին շարժական բացիկներ ստեղծելու հմտություններ են փոխանցելու։
Նկարագրություն
Աշխատելու են փոքր խմբերով (1+1 կամ 1+2 սկզբունքով)։ 3.1 դասարանի սովորող կրտսեր ընկերոջը (ընկերներին) սովորեցնելու է.
- paint-ով նկարը քայլերով պահպանել,
- կիրառել մոնտաժային ծրագրի գործիքները
- ստեղծելու են ձմեռային մեդիաբացիկ:
Ամփոփումը՝ դասարանական բլոգներում, ենթակայքում։
Սովորող-սովորեցնող համագործակցային նախագիծ.Powerpoint ծրագիր
Մասնակիցներ՝ Հյուսիսային դպրոցի 2.2 և 3.1 դասարանների սովորողներ
Օրը՝ հոկտեմբերի 11, ժամը՝ 11.00-11.40
Վայրը՝ Հյուսիսային դպրոցի, 2.1 դասասենյակ
Պատասխանատուներ՝ Մանուշակ Աբրահամյան, Մանե Հարությունյան
Սովորող-սովորեցնող համագործակցային նախագծի շրջանակներում 3.1 դասարանի սովորողներն իրենց կրտսեր ընկերներին Power point ծրագրից օգտվելու տարրական հմտություններ են փոխանցելու։
Նկարագրություն
Աշխատելու են փոքր խմբերով (1+1 կամ 1+2 սկզբունքով)։ 3.1 դասարանի սովորող կրտսեր ընկերոջը (ընկերներին) սովորեցնելու է.
- ինչպես power point բացել,
- կիրառել գործիքները (էջ ստեղծել, ձևավորել, նկար կցել )
- «Իմ ընտանիքը» սալիկաշար ստեղծելու մեկնարկ
Ամփոփումը՝ դասարանական բլոգներում, ենթակայքում։
Սովորող-սովորեցնող համագործակցային նախագիծ․Paint ծրագրի ուսուցում
Սովորող-սովորեցնող համագործակցային նախագծով 3.1 դասարանի սովորողներն իրենց կրտսեր ընկերներին՝ 1․1 դասարանի սովորողներին ծանոթացրին Paint նկարչական ծրագրի գործիքներին։
Փոխանցում եմ մեդիահմտություններ
Մայիսյան 17-րդ հավաքի շրջանակում, այսօր հանդիպեցինք 2․1 դասարանի սովորողների հետ։ Հանդիպման ընթացքում սովորեցրեցինք տեսանյութ տեղադրել և տեսանյութի մասին փոքրիկպատում գրել իրենց նորաստեղծ բլոգներում։ Հանդիպումը շատ արդյունավետ էր, հանդիպման ավարտին բոլոր սովորողների բլոգում տեղադրված էր տեսանյութերը և պատումները։ Ավելին՝ տեսանյութում
Սովորող-սովորեցնող․Բլոգուսուցում-բլոգավարություն
Մայիսյան 17-րդ հավաքի ընթացքում 2․1 դասարանի սովորողները արդեն երկրորդ հանդիպումն են ունենում 3․2 դասարանի սովորողների հետ։Առաջին հանդիպման ընթացքում միասին սովորողները բացել էին իրենց բլոգները, իսկ երկրորդ հանդիպմանը բլոգներում կատարեցին իրենց առաջին գրառումը և պատմեցին իրենց մասին։Սովորողները շատ ոգևորված էին աշխատում միասին։
Սովորեցնում եմ կրտսեր ընկերոջս․ Հորինուկների հորինում
«Մխիթար Սեբաստացի» կրթահամալիրում մայիսի 2-ից մեկնարկել է ուսումնական օրացույցով որոշված ամենամյա ստեղծագործական Մայիսյան 17-րդ բաց հավաք 2022-ը, որի շրջանակում էլ այս անգամ հանդիպեցին 2-1 դասարանի և 1-2 դասրանի սովորողները։ Հանդիպման ընթացքում «Փոխանցում եմ հմտություններ» համագործակցային շարունակական նախագծով, 2-1 դասարանի սովորողները այս անգամ փոխանցեցին իրենց լեզվական հմտությունները՝ օգնեցին փոքրիկ պատմություններ հորինել։
Օրվա մասին՝ տեսանյութում
Հյուսիսային դպրոցի 3.1 դասարանի սովորողների մեդիատարածք 