Փետրվարի 24-ին «Թումանյանական օրեր» ուսումնական նախագծի շրջանակում սովորողները այցելեցին Սոս Սարգսյանի անվան Համազգային թատրոն՝ դիտելու Հովհաննես Թումանյանի «Անբան Հուռին» ներկայացումը։Ներկայացումը դուր եկավ սովորողներին։

Փետրվարի 16-ին «Թումանյանական օրեր» ուսումնական նախագծի շրջանակում սովորողները այցելեցին Հենրիկ Մալյանի անվան Կինոդերասանի թատրոն՝ դիտելու «Թումանյանական հեքիաթների խառնաշփոթ» ներկայացումը։Ներկայացումը շատ դուր եկավ սովորողներին։

Ընթացիկ նախագիծը՝ «Թումանյանական օրեր»

Մասնակիցներ՝ 1.1 դասարանի սովորողներ

Վայրը՝ Հենրիկ Մալյանի անվան կինոդերասանի թատրոն

Ժամկետը՝ Փետրվարի 16-ին, ժամը՝11:30-12:30

Նպատակը՝  Թումանյանական օրեր նախագծիշրջանակներում «Թումանայանիհեքիաթները» ներկայացմանդիտում:

Երթուղի՝

Խնդիրները՝

• Թումանյանի հեքիաթների տարբերակում թատրոնում, ներկայացման մեջ:
• Բանավոր խոսքի զարգացում, տեսածը, լսածը վերապատմելու, մտքերը շարադրելու կարողության ձևավորում:
• Ներկայացում դիտելու հմտությունների, թատրոնում պահելու, վարքագծի ձևավորում:
• Թիմային աշխատանքի կազմակերպում, ճամփորդության նախապատրաստվելու կարողությունների ձևավորում:

Նկարագրությունը՝ 1․1 դասարանի սովորողները փետրվարի 16-ին ուսումնասիրում են Թումանյանի ստեղծագործությունները, առանձնացնում, նկարում, ծեփում հեքիաթների սիրելի հերոսներին, օրն ամփոփում ենք Հերիկ Մալյանի անվան կինոդերասանի թատրոնում «Թումանյանի հեքիաթները» ներկայացումը դիտելով: Ներկայացումը դիտելուց հետո կխաղանք Թումանյանի ստեղծագործություններից մեկով դասարանական թատրոն։

Անհրաժեշտնյութեր՝ ուսապարկ՝սնունդ, ջուր

Նախապատրաստականաշխատանքներ՝ Զրույց Թումանյանի հեքիաթների մասին, Լոռվա բարբառով հեքիաթների ընթերցումներ

Ամփոփում՝  դասարանական բլոգում:

Հունվարի 27-ին Հյուսիսային դպրոցի 1․1 դասարանի ճամբարականները իրենց տարատարիք ընկերների հետ միասին մեկնեցին Ջրվեժի անտառապարկ՝ ձմեռային մարզական խաղեր ստուգատեսին մասնակցելու։Ջրվեժի անտառապարկում եղել էինք աշնանը և վայելել աշնանային գեղեցկությունը։Սովորողները ծանոթացել էին ճամփորդության նախագծին և անհամբեր սպասում էին, որ տեսնեին ձմեռային անտառապարկը։Բոլորս միասին ձմեռային քայլքով բարձրացանք անտառապարկ։Այնտեղ սովորողները ևս մեկ անգամ ընկեր Միքայելից լսեցին սահնակով սահելու կարևոր կանոնները։

Ուրախությունն աննկարագրելի էր, երբ սովորողները նստեցին սահնակի վրա և սահեցին։Միայն ուրախության ճիչերով էր լցված անտառապարկը։Մի լավ սահելուց և ձնագնդի խաղալուց հետո նախաճաշեցինք։Օրը հեքիաթային էր, ուրախ և անմոռանալի։Շնորհակալություն նաև մեր սիրելի մարզիչներին, ընկեր Քրիստինեին և Լևոնի հայրիկին մեզ օգնելու համար։

Նախագծի մասնակիցներ՝  1․1 ջոկատներ

Նախագծի իրականացման օրը ՝հունվարի 24

 Մեկնում Հյուսիսային դպրոցից՝ 11:00
Վերադարձ Հյուսիսային դպրոց՝ 13:35

Նախագծի պատասխանատուներ՝ Սրբուհի Ներսիսյան, Սիրանույշ Պետրոսյան

Ուղեկցող մարզիկ՝ Սուսաննա Պետրոսյան

Նախագծի ընթացքը՝ քայլք, ձմեռային խաղեր(ձնագնդի, ձնե քանդակների պատրաստում), սահնակներով սահք

Ճամփորդության նկարագրություն

Նախապատրաստական փուլ. Սովորողների հետ անդրադառնում ենք ճամփորդական կանոններին, անհրաժեշտ պարագաներին, Զրույց-քննարկում ձմեռային խաղեր, ձնե կերպարներ թեմայով:

Դեկտեմբերի 18-ին Տիկնիկային թատրոնում Հյուսիսային դպրոցի սովորողները դիտեցին <<Նվերների աշխարհ>> ամանորյա ներկայացումը։Սովորողները այնքան էին հավանել ներկայացումը, որ ճանապարհին կիսվեցին իրենց տպավորություններով։

Դեկտեմբերի 18-ին Հյուսիսային դպրոցի տարատարիք սովորողների հետ միասին այցելեցինք Հ․Թումանյանի անվան Տիկնիկային թատրոն՝ <<Նվերների աշխարհ>> ներկայացումը դիտելու։

Սովորողները շատ հավանեցին ներկայացումը և անհամբեր սպասում են իրենց ամանորյա նվերներին։

Հյուսիսային դպրոցի 1․1 դասարանի սովորողները, կրկին քայլքով և ամանորյա բարեմաղթանքներ ասելով, հասան փակ լողավազան։Ջա՜ն, կրկին լողում ենք։