Հոկտեմբերի 23-ին՝ «Ուսումնական աշուն»՝ ԲՏՃՄ համագործակցություն ստեղծագործական հավաք, անգլերենի բաց դասընթաց գերմանացի ուսուցիչ Քրիստոֆ Պոխայի հետ, բազմալեզու ճամբար Արևմուտքում. պատասխանատուների հաղորդումը
Հոկտեմբերի 24-ին՝ սովորողների տրանսպորտային փոխադրման մասին. Լուսինե Մամիկոնյանի հաղորդումը
Հոկտեմբերի 25-ին՝ ԲՏՃՄ համագործակցություն ստեղծագործական հավաքի բացում
Հոկտեմբերի 26-ին՝ 2023-2024. ուսումնական օրացույցը՝ համագործակցային հարթակներով․ Լուսինե Փաշայանի հաղորդումը
Այս անգամ սովորողների հետ ամրապնեցինք «Ամպն ու սարը» բանաստեղծությունը։ Աշխատելու ընթացքում միացրել էի Լիլիթ Բլեյանի «Ամպն ու սարը» երգը,որը շատ դուր եկավ սովորողներին։ Սովորողները մեծ սիրով և՛ լսում էին, և՛ երգում, և՛ աշխատում։ ։
Հյուսիսային դպրոցի 1.1 դասարանի սովորողները այս անգամ ներկայացան որպես սովորեցնողներ և Հովհաննես Թումանյանի «Ծիտը» հեքիաթը բեմադրեցին պարտեզի սաների համար։Ներկայացանք ստվերային թատրոնի միջոցով։Իհարկե սա մեր առաջին անգամն էր, որ բեմ էինք բարձրանում և այդքան էլ շատ ժամանակ չէինք ունեցել փորձերի համար, բայց մեծ սիրով ներկայացանք, իսկ փոքրիկ սաներն էլ մեծ սիրով և հետաքրքրությամբ դիտեցին և ծափահարեցին մեզ։Իհարկե կշարունակենք թատրոնի աշխատանքներն և հաջորդ անգամ ավելի մեծ պատրաստվածությամբ կներկայանանք։Կարծում եմ ստացվեց։
Շնորհակալություն նաև ընկեր Սոնային և ընկեր Լուսինեին։
Հոկտեմբերյան 18-րդ բաց հավաքի ընթացքում Սովորող-սովորեցնող նախագծի շրջանակում հանդիպեցինք Հյուսիսային դպրոցի ընկեր Լուսինեի երկրորդ դասարանի սովորողների հետ, ովքեր կրտսեր ընկերներին օգնեցին առաջին անգամ մուտքագրել word ծրագրի մեջ։Քանի որ սկսել ենք բառուսուցումը, մուտքագրեցինք մեր առաջին բառը՝ «ՍԱՐ» բառը։Կեցցե՜ն բոլորը։
Այս շաբաթ սովորողների հետ ծանոթացանք Հովհաննես Թումանյանի «Ամպն ու սարը» բանաստեղծության հետ և սկսեցինք ծանոթանալ «Սար» բառին։ Վանկատեցինք և հեգեցինք «Սար» բառը, կարդացինք այն և որոշեցինք բանաստեղծությունը նկարել աղի վրա։Աղի հետ աշխատանքը զարգացնում է նաև մանր մոտորիկան։Համատեղեցինք բոլոր օգտակար գործունեության ձևերը և աղի վրա գրեցինք «Սար» բառը։
Ուրախ մաթեմատիկա- Բանավոր հաշիվ 1-20-ը: 1-10 թվերի կազմությունը։ Թվաբանական խաղ <<1-ով ավել, 1-ով պակաս>>, <<Հարևան թվեր>>։ Ծանոթանալ աջ-ձախ,հեռու-մոտիկ, վերև-ներքև, ներս-դուրս, վրա- տակ, մեջտեղ, երկար, կարճ, հաստ, բարակ, մեծ, փոքր հասկացություններին:Խմբավորել աջ և ձախ կողմում նստած աղջիկներին ու տղաներին, առարկաները, դասարանի ներսում և դասարանից դուրս գտնվող առարկաները և այլն: Առարկաների համեմատումն ըստ չափի, ձևի, նյութի և երկարության։Ծանոթանալ երկրաչափական պատկերներին։
Երկուշաբթի
08:30-Սովորողների դիմավորում Մայր դպրոցում
09:00-09:15 -Առավոտյան ընդհանուր պարապմունք 09:20-10:05 — Երգ ՝ Արմենուհի Սոկրատունու հետ 10:10-10:55- Հովհաննես Թումանյան « Ամպն ու սարը» ստեղծագործության ծանոթացում, զրույց-ամփոփում, Ս և Ա տառերով բառերի թվարկում, վանկատում և հեգում 11:00-11:45-Ուրախ մաթեմատիկա/ բանավոր համրանք-խաղ, զույգ և կենտ թվեր, առարկաների համեմատում/, հարևան թվեր, 1-ով ավել, 1-ով պակաս,ծանոթանում ենք 5 և 6 թվերի աշխարհին
Հոկտեմբերի 11-ին սովորողների հետ ճամփորդություն ունեցանք դեպի Կարբի գյուղ, որտեղ խնձորի այգում կատարեցինք բերքահավաք, մի լավ խնձոր համտեսեցինք ու մեզ հետ խնձորի բավականին մեծ քանակ բերեցինք Հյուսիսային դպրոց, որպեսզի «Ուսումնական մառան» նախագծի շրջանակում չիր պատրաստենք։Նախապես արդեն սովորողների հետ խոսել էինք չիր պատրաստելու մասին, խոսել տարբեր չրի տեսակների մասին և մտովի համտեսել։
Ինչպես որոշել էինք, այդպես էլ արեցինք՝ հանդիպեցինք Ընկեր Լիաննայի երկրորդ դասարանի սովորողների հետ և միասին սկսեցինք չիր պատրաստելու մեր գործընթացը։
անհամբեր սպասում ենք , որպեսզի չիրը պատրաստ լինի և համտեսենք։
Այսօր ուրբաթ է, իսկ դա նշանակում է, որ մենք լողում ենք։Լողի ենք գնում քայլքով, ուրախ տրամադրությամբ՝ երգելով և արտասանելով, իսկ թե լողավազանում ինչ ոգևորություն է սկսվում, դիտեք տեսանյութում։
Աշնանային ստեղծագործական 18-րդ բաց հավաք 2023 -ի ընթացքում << Սովորող-սովորեցնող>> նախագծի շրջանակում կրկին հանդիպեցինք Հյուսիսային դպրոցի ընկեր Կարինեի երրորդ դասարանի սովորողների հետ, և այս անգամ աշխատեցինք word ծրագրով։Ես նախապես սովորողներին ծանոթացրել էի word ծրագրի գործիքներին, իսկ երրորդ դասարանի սովորողները օգնեցին, որպեսզի առաջին դասարանի սովորողները առաջին անգամ մուտքագրեին word ֆայլի մեջ՝ գործածելով բոլոր գործիքները։Միասին մուտքագրեցին 1-10-ը թվերը, մեծացրեցին, փոքրացրեցին, ինչպես նաև գունավորեցին ու վերջում կատարեցին գումարման և հանման գործողություններ։Ընթացքը և արդյունքը շատ ոգևորիչ էր։
Հյուսիսային դպրոցի 3.1 դասարանի սովորողների մեդիատարածք 