Օրը՝ մարտի 24

Ժամը՝ 11:10–11:45

Վայրը՝ Հյուսիսային դպրոցի մարզադահլիճ

Մասնակիցներ՝ Առաջին դասարան ընդունվող «Մուտքի ճամբարի» մասնակիցներ

Պատասխանատուներ՝ Սրբուհի Ներսիսյան,Մարի Միքայելյան

Մարզիչ՝ Տաթև Սնջոյան

Նպատակ

Զարգացնել սովորողների թիմային համագործակցությունը և ստեղծել ուրախ ու ակտիվ մարզական միջավայր։

Խնդիրներ

• Զարգացնել սովորողների շարժողական հմտությունները
• Սովորեցնել համագործակցել թիմով
• Ստեղծել ուրախ և դրական մթնոլորտ

Ընթացք

Մարզիչը սովորողներին ներկայացնում է խաղերի կանոնները։ Սովորողները բաժանվում են թիմերի և հերթով մասնակցում գնդակախաղերի։ Խաղերի ընթացքում կարևոր է պահել կարգապահությունը, լսել հրահանգները և աջակցել ընկերներին։

Խաղերի նկարագրություն

1. Գնդակը փոխանցիր

Մասնակիցները կանգնում են շարքով։ Առաջին մասնակիցը գնդակը փոխանցում է հետևում կանգնածին՝ վերևից կամ կողքից։ Վերջին մասնակիցը գնդակը վերցնելով վազում է դեպի շարքի սկիզբ և խաղը շարունակվում է։

2. Գնդակն ու օղակը

Հատակին դրվում են օղակներ։ Մասնակիցները պետք է որոշ հեռավորությունից գնդակը նետեն այնպես, որ այն ընկնի օղակի մեջ։

3. Գնդակով վազք

Մասնակիցները հերթով պետք է գնդակը պահելով վազեն մինչև նշված գիծը և վերադառնան։ Այնուհետև գնդակը փոխանցում են հաջորդ մասնակցին։

4. Գնդակը գլորիր

Մասնակիցները կանգնում են երկու շարքով։ Առաջին մասնակիցը գնդակը գլորում է հատակով դեպի դիմացը կանգնած մասնակիցը, որը պետք է կանգնեցնի և նորից փոխանցի հաջորդին։

5. Բռնիր գնդակը

Մասնակիցները կանգնում են շրջանով։ Մարզիչը գնդակը նետում է մասնակիցներից մեկին, և նա պետք է բռնի գնդակը ու վերադարձնի։