Աշնանային ստեղծագործական 18-րդ բաց հավաք 2023

Հոկտեմբեր ամսվա ընթացքում իրականացվող նախագծեր՝

«Կոմիտասյան օրեր» Ուսումնական նախագիծ

«Տիեզերք»․ Ուսումնական նախագիծ

«Խնկոյանական օրեր» նախագիծ

«Ուսումնական մառան»․ համագործակցային նախագիծ

Սովորող-սովորեցնող նախագիծ․Paint ծրագրի գործածում

Սովորող-սովորեցնող համագործակցային նախագիծ․Թատրոն-խաղ

Ուսումնական ճամփորդություն․Բերքահավաք խնձորի այգում

Սովորող-սովորեցնող նախագիծ․Փոխանցում եմ մեդիահմտություններ․Մուտքագրում ենք Paint ծրագրի մեջ

Աշխատակարգեր՝

Աշխատանքային նախագիծ 02.10.2023-06.10.2023

Աշխատանքային նախագիծ 09․10․2023-13․10․2023

Աշխատակարգ 16.10.2023-20.10.2023

Ուսումնական ճամփորդություն՝

Ուսումնական ճամփորդություն․Բերքահավաք խնձորի այգում

Ամփոփումը՝

Բերքահավաք Կարբի գյուղի խնձորի այգում

Սովորող-սովորեցնող և համագործակցային նախագծեր՝

Սովորող-սովորեցնող նախագիծ.paint ծրագրով նկարում ենք աշուն

Ես․ուսումնական նախագիծ․Կավից ծեփում ենք ինքներս մեզ

«Ուսումնական մառան» խնձորի չրի պատրասում

Սովորող-սովորեցնող նախագիծ.մուտքագրում ենք word ծրագրի մեջ

Սովորող-սովորեցնող նախագիծ.PAINT ծրագրում մուտքագրում ենք «ՍԱՐ» բառը

Սովորող-սովորեցնող նախագիծ․«Ծիտը» հեքիաթի ներկայացումը ստվերային թատրոնի միջոցով

Խնկոյանական օրեր՝

PAINT ծրագրով նկարում ենք Աթաբեկ Խնկոյանի «ԼՈւՍԻՆ» բանաստեղծությունը

Տիեզերք,ուսումնական նախագիծ՝

Տիեզերք նախագիծ.paint ծրագրով նկարում ենք Արեգակնային համակարգը

Հեծանվավարություն՝

Հեծանվավարություն

Հեծանվավարություն․կրկին հեծանվավարում ենք

Լողուսուցում՝

Քայլք + լողուսուցում

Լող փակ լողավազանում

Այլ ուսումնական նախագծեր՝

Ճանաչում և պատրաստում ենք երկրաչափական պատկերները

«Ամպն ու սարը» .Բառուսուցում` աղի վրա գրում ենք «Սար» բառը

«Ամպն ու սարը».Պլաստիլինով ծեփում ենք «Սար» բառը

«Ամպն ու սարը» տանիքից

Մասնակցություն 

• Ուրբաթ-համերգներին
• Մասնակցություն Իմացումի հրճվանք լաբորատորիայի սեմինար-պարապմունքներին
• Դասարան-լաբորատորիայի խնամք, մաքրություն

Սովորողները ներկայացնում են «Ամպն ու սարը» բանաստեղծությունը տանիքից, որտեղից շատ լավ երևում է Արարատ սարը։

Լուսանկարները Բյուրական գյուղից՝

Այս անգամ սովորողների հետ ամրապնեցինք «Ամպն ու սարը» բանաստեղծությունը։ Աշխատելու ընթացքում միացրել էի Լիլիթ Բլեյանի «Ամպն ու սարը» երգը,որը շատ դուր եկավ սովորողներին։ Սովորողները մեծ սիրով և՛ լսում էին, և՛ երգում, և՛ աշխատում։ ։

Հյուսիսային դպրոցի 1.1 դասարանի սովորողները այս անգամ ներկայացան որպես սովորեցնողներ և Հովհաննես Թումանյանի «Ծիտը» հեքիաթը բեմադրեցին պարտեզի սաների համար։Ներկայացանք ստվերային թատրոնի միջոցով։Իհարկե սա մեր առաջին անգամն էր, որ բեմ էինք բարձրանում և այդքան էլ շատ ժամանակ չէինք ունեցել փորձերի համար, բայց մեծ սիրով ներկայացանք, իսկ փոքրիկ սաներն էլ մեծ սիրով և հետաքրքրությամբ դիտեցին և ծափահարեցին մեզ։Իհարկե կշարունակենք թատրոնի աշխատանքներն և հաջորդ անգամ ավելի մեծ պատրաստվածությամբ կներկայանանք։Կարծում եմ ստացվեց։

Շնորհակալություն նաև ընկեր Սոնային և ընկեր Լուսինեին։

Այս շաբաթ սովորողների հետ ծանոթացանք Հովհաննես Թումանյանի «Ամպն ու սարը» բանաստեղծության հետ և սկսեցինք ծանոթանալ «Սար» բառին։ Վանկատեցինք և հեգեցինք «Սար» բառը, կարդացինք այն և որոշեցինք բանաստեղծությունը նկարել աղի վրա։Աղի հետ աշխատանքը զարգացնում է նաև մանր մոտորիկան։Համատեղեցինք բոլոր օգտակար գործունեության ձևերը և աղի վրա գրեցինք «Սար» բառը։

Ֆոտոշարքը ստորև՝

Հոկտեմբերի 11-ին սովորողների հետ ճամփորդություն ունեցանք դեպի Կարբի գյուղ, որտեղ խնձորի այգում կատարեցինք բերքահավաք, մի լավ խնձոր համտեսեցինք ու մեզ հետ խնձորի բավականին մեծ քանակ բերեցինք Հյուսիսային դպրոց, որպեսզի «Ուսումնական մառան» նախագծի շրջանակում չիր պատրաստենք։Նախապես արդեն սովորողների հետ խոսել էինք չիր պատրաստելու մասին, խոսել տարբեր չրի տեսակների մասին և մտովի համտեսել։

Ինչպես որոշել էինք, այդպես էլ արեցինք՝ հանդիպեցինք Ընկեր Լիաննայի երկրորդ դասարանի սովորողների հետ և միասին սկսեցինք չիր պատրաստելու մեր գործընթացը։

անհամբեր սպասում ենք , որպեսզի չիրը պատրաստ լինի և համտեսենք։

Աշնանային ստեղծագործական 18-րդ բաց հավաք 2023 -ի ընթացքում << Սովորող-սովորեցնող>> նախագծի շրջանակում կրկին հանդիպեցինք Հյուսիսային դպրոցի ընկեր Կարինեի երրորդ դասարանի սովորողների հետ, և այս անգամ աշխատեցինք word ծրագրով։Ես նախապես սովորողներին ծանոթացրել էի word ծրագրի գործիքներին, իսկ երրորդ դասարանի սովորողները օգնեցին, որպեսզի առաջին դասարանի սովորողները առաջին անգամ մուտքագրեին word ֆայլի մեջ՝ գործածելով բոլոր գործիքները։Միասին մուտքագրեցին 1-10-ը թվերը, մեծացրեցին, փոքրացրեցին, ինչպես նաև գունավորեցին ու վերջում կատարեցին գումարման և հանման գործողություններ։Ընթացքը և արդյունքը շատ ոգևորիչ էր։

Ավելին տեսանյութում՝

Հոկտեմբերի 11-ին Հյուսիսային դպրոցի 1-1 դասարանի սովորողներն իրականացրեցին իրենց առաջին ճամփորդությունը, որն այդքան շատ սպասված էր։
Ուղևորվեցինք Կարբի գյուղ՝ խնձորի այգիներ։Նախապես սովորողների հետ խոսել էինք ճամփորդության մասին, գիտեին, որ գնում ենք խնձորի այգի բերքահավաքի, և բոլորը ոգևորված սպասում էին ժամանելուն։Դասարանում կատարել էինք բոլոր նախապատրաստական աշխատանքները, խոսել էինք խնձորի տեսակների մասին, դրանց պահպանման ձևերի, օգտակարության և դրանից պատրաստվող ուտեստների մասին։Իհարկե նաև խոսել էինք խնձորի չրի մասին, որը պետք է պատրաստեինք բերքահավաքից հետո։ Սովորողները նաև ծանոթացել էին ճամփորդության կանոներին և ճամփորդական պայուսակի պարունակության հետ։

Ճամփորդության մեկնարկը տվեցինք Սուրբ Երրորդություն եկեղեցու բակից։Ինչպես միշտ լուսանկարվեցինք և ճամփա ընկանք։ Ճանապարհին սովորողները տարբեր դիտարկումներ էին կատարում և անհամբեր էին։Ընթացքում հասցրեցին հաշվել ճանապարհի բոլոր այգիները։ Այգի ժամանելուն պես սովորողները միանգամից գործի անցան՝ նախ համտեսելով ախորժելի խնձորները, իսկ հետո՝ խնձորներ հավաքելուն։ Բերքահավաքի ընթացքում այգու շատ հյուրընկալ սեփականատերը ևս մեզ պատմեց այգու խնձորների տեսակների, ճիշտ հավաքելու, տեսակավորելու և սառնարանում պահպանելու մասին, ինչպես նաև սովորողներին ոգևորեցին էլ ավելի մեծ եռանդով բերքահավաք կատարելու։ Սովորողները այնքան խնձոր էին համտեսել, որ նույնիսկ չէին ուզում նախաճաշել։ Բավականին խնձոր հավաքելուց հետո կազմակերպեցինք խնձորախաղեր, երգեցինք և գովեցինք խնձորի տեսակները։ Մի փոքր հանգստանալուց հետո բերքահավաքը շարունակվեց։Սովորողները այնքան էին հավանել այդ ամբողջ ընթացքը, այգին, որ չէին ցանկանում այգուց դուրս գալ։Կարծում եմ, որ բոլորի համար շատ տպավորիչ և անմոռանալի օր ստացվեց։Սովորողների և իհարկե նաև մեր ոգևորությունն ու ուրախությունը տեսեք տեսանյութերում՝

Սովորողների համար ամենասպասելի դասաժամերից է հեծանվավարությունը, երբ անհամբեր սպասում են, թե երբ են վարելու հեծանիվները։Ոգևորությունը աննկարագրելի է։

Ընթացքը տեսանյութում՝