Ամեն տարի նոյեմբեր ամսվա ընթացքում մեկնարկում է «Սեբաստացու օրեր» նախագիծը, որի ամենահամեղ և հետաքրքիր բաղադրիչներից մեկը Թթուդրիկի ծեսն է:Ամեն տարի սովորողների հետ յուրովի ենք իրականացնում ծեսը:Այս տարի որպես երրորդ դասարանցի սովորողները ավելի հմուտ էին, գիտեին, թե ի՞նչ բաղադրիչներ են հարկավոր թթվի համար,յուրաքանչյուր բաղադրիչ ի՞նչ օգտակար հատկություններ և վիտամիններ ունի, ինչպե՞ս պետք է իրականացնենք թթուդրիկը և այլն:
Թթուդրիկի ծեսն առանձնանում է նրանով, որ իր մեջ ներառում է տարբեր տեսակի գործունեություններ` մաթեմատիկական, լեզվագործունեության, տեխնոլոգիական, ստեղծագործական, երաժշտական և խոհանոցային:
Այս բոլոր կետերի շուրջ սովորողները աշխատել են և հրապարակել իրենց անձնական բլոգներում:
Այս բոլորի մասին մի լավ զրուցելուց հետո անցանք գործի` իրականացրեք ամենահամեղ թթվի պատրաստմանը:
Նաև նշեմ, որ թթուդրիկի նախորդ օրը սովորողները գնացել էին իրենց տան մոտակա խանութները և ինքնուրույն գնումներ կատարել թթվի համար, խանութում մաթեմատիկական հաշվարկները կատարել և վճարել էին:Ավվելին սովորողների բլոգներում:
Հյուսիսային դպրոցի 3.1 դասարանի սովորողների մեդիատարածք 