«Հայոց լեզու, գրականություն» բնագավառի բաց հավաք

Օրը՝ փետրվարի 21

Վայրը՝ Հյուսիսային դպրոց

Մասնակիցներ՝ Հյուսիսային դպրոցի 2.1 դասարան

Պատասխանատու՝ Սրբուհի Ներսիսյան

Նպատակը՝ Թումանյանական ստեղծագործությունների միջոցով զարգացնել սովորողների բանավոր և գրավոր խոսքը, վերլուծական, քննադատական մտածողությունը, ստեղծագործական երևակայությունը, անկաշկանդ արտահայտվելու կարողությունը։

Մասնակիցները` Հյուսիսային դպրոցի 2․1 դասարանի սովորողներ

Ժամանակահատվածը` փետրվար ամիս

Նպատակը՝ Թումանյանական ստեղծագործությունների միջոցով զարգացնել սովորողների բանավոր և գրավոր խոսքը, վերլուծական, քննադատական մտածողությունը, ստեղծագործական երևակայությունը, անկաշկանդ արտահայտվելու կարողությունը։

Խնդիրներն են՝

• Բանավոր խոսքի զարգացում (պատմել լսած հեքիաթը, պատմությունը, կարծիք, վերաբերմունք արտահայտել հերոսի, արարքի վերաբերյալ, պատճառաբանել սեփական կարծիքը, թվարկել պատմության դեպքերն ըստ հերթականության, պատասխանել ծանոթ ստեղծագործությանը վերաբերող հարցերին).
• Գրավոր խոսքի զարգացում (նամակներ գրել հեքիաթի, պատմության հերոսին, ավարտել կիսատ նախադասությունները, լրացնել նախադասության մեջ բաց թողած բառերը).
•  Ստեղծագործական մտքի զարգացում (նոր ավարտ հորինել հեքիաթի համար, փոխել հեքիաթի ավարտը).
• Մեդիահմտությունների զարգացում (ստեղծել դասարանական-ընտանեկան աուդիոգրքեր, էլեկտրոնային ընթերցարաններ, տեսանյութեր).
•  Ինքնուրույն աշխատելու հմտությունների ձևավորում.
•  Տեխնոլոգիական հմտությունների զարգացում.
• Հաղորդակցական հմտությունների զարգացում
• Համագործակցային հմտությունների զարգացում (թատերական-խաղ-ներկայացում-բեմադրություն)

Ստեղծագործությունների ցանկ, փետրվար ամսվա ընթերցարան

Ունկնդրում և վերհիշում ենք թումանյանական տեքստերով երգերը:

Ընտանեկան նախագծեր. Ուսումնական նախագիծը շարունակվում, տեղափոխվում է ընտանիք՝ ներառելով սովորողի ընտանիքի անդամներին: Ընտանիքում ստեղծվում են թումանյանական տարբեր ներկայացումներ, ընթերցումներ, որոնք մեդիայի շնորհիվ հասանելի են դառնում բոլորին:

«Կարդում ենք և խաղում Թումանյան» ուսումնական նախագիծ

Մասնակիցներ — 2-րդ  դասարանցիներ
Ժամանակահատվածը — Փետրվար-մարտ  ամիսներ

Նպատակը՝
Թումանյանական ստեղծագործությունների միջոցով զարգացնել սովորողների բանավոր խոսքը, վերլուծական, քննադատական մտածողությունը, ստեղծագործական երևակայությունը, ինքնարտահայտվելու հմտությունները ։

Խնդիրները` Հեքիաթների հիման վրա ընտանեկան  ֆիլմերի ստեղծում, Թումանյանի ստեղծագործություններին ծանոթացում: Հեքիաթի հերոսների կերպավորում,  ընտանեկան կրթության կազմակերպում, ընտանիքի ներգրավումը սովորողների ուսումնական գործունեությանը, բառապաշարի հարստացում, գրական ճաշակի ձևավորում ու զարգացում, ստեղծագործական երևակայության, բանավոր խոսքի, տեխնոլոգիական,

մեդիատեխնոլոգիական, բնագիտական, երաժշտական հմտությունների զարգացում,։

Առաջին փուլ/ նախապատրաստական փուլ/

• Ծանոթանալ Թումանյանի կյանքին,ստեղծագործություններին/ մասամբ/
• Պարզել երեխաների ունեցած ինֆորմացիան:
• Համացանցում որոնել իրենց իմացած թումանյանական ստեղծագործությունների մեդիանյութերը դիտել դրանք, քննարկել:

Ստեղծագործություններիցանկ

Մարտ
Շունը
Փիսոն
Ծիտը
Քամին
Արտուտիկ
Ամպն ու սարը
Լուսաբացին
Առաջին ձյունը
Ծաղիկները
Արագիլ
Գրիչը
Աշուն

Բզեզի դպրոցը
Կանանչ ախպեր
Շունն ու կատուն
Սուտասանը
Բարեկենդանը
Անհաղթ աքլորը
Ճամփորդները
Ծիտը
Իրիկուն
Էս էն է
Կացին ախպեր
Սուտլիկ որսկանը

Ուսումնական փուլ

Այս փուլում կատարելու ենք խմբային և անհատական աշխատանքներ:

Խմբային աշխատանք — Խմբային աշխատանքն իրականացնելու ենք դպրոցում, դասարանում: Սովորողները բաժանվում են պայմանական խմբերի։  Ուսուցիչը ընթերցում է կամ էլ պարզապես լսում են աուդիոհեքիաթը։ Այդ ստեղծագործությունը բաժանում են հատվածների։  Ամեն խումբ paint  նկարաչական ծրագրով նկարում է իրեն դուր եկած  հատվածը,  պատմում իր նկարի մասին։ Անհատական աշխատանքներ․

• Նկարի՛ր քեզ ծանոթ թումանյանական հերոսներին: Յուրաքանչյուր նկարի տակ մուտքագրի՛ր հերոսի անունը: Պահպանի՛ր նկարը:
•  Մեծահասակի օգնությամբ ձայնագրի՛ր կամ տեսագրի՛ր ստեղծագործությունը  և ֆիլմ ստեղծի՛ր:
• Ստեղծե՛ք ընտանեկան ներկայացում՝ թումանյանական որևէ ստեղծագործության սցենարով:
• Պատրաստի՛ր կամ ծեփի՛ր քոսիրելի թումանյանական հերոսին։

ԳՈՐԾՈՂՈՒԹՅՈՒՆՆԵՐԻ ԸՆԹԱՑՔԸ

Մայրենի +մեդիատեխնոլոգիա —Ձեռք են բերում մուտքագրելու, աշխատանքը պահպանելու հմտություններ։

Տեխնոլոգիական աշխատանքներ — Թափոններով, կավով, պլաստիլինով, խմորով ստեղծում ենք թումանյանական հերոսների տիկնիկներին ։

Թատրոն — Մնջախաղի, թաթիկ — տոտիկների, ստվերների, խամաճիկների միջոցով խաղում ենք Թումանյան։

Ընտանեկան նախագծեր — Թումանյան կարդում ենք ընտանիքում ՝ ներառելով ընտանիքի բոլոր անդամներին։ Ստեղծվում է  թումանյանական մեդիաներկայացումների փաթեթ։

Ռոդարիական հնարքների կիրառում —Թումանյանի ստեղծագործություններից  վերցնում ենք   հատվածներ և  այնպես դասավորում, որ ստացվի անսովոր, զարմանալի մի պատմություն   կամ հեքիաթ:

• Ի՞նչ կլիներ, եթե …
• Ստեղծագործական երևակայության  երկանդամություն.

Տրվում են բառեր , որոնցով պետք է պատմություն կամ հեքիաթ հորինեն: Բառերը վերցնում ենք  հեքիաթներից.  օրինակ  «ճամփորդներ»  հեքիաթից վերցնում ենք 5 բառ և ևս  5 բառ «Սուտասանը» հեքիաթից,  սկսում ենք մի նոր հեքիաթ հորինել  :

• Հեքիաթների շիլափլավ
• Շուռ տված հեքիաթներ
• Իսկ հետո ի՞նչ եղավ

/Նախագծի իրականացման ընթացքում կարող են ի հայտ գալ նոր առաջարկներ, նոր մոտեցումներ և նախագիծը կարող է որոշակի փոփոխությունների ենթարկվել/:

Եզրափակիչ փուլ

Բոլոր աշխատանքները կհավաքվեն դասարանական բլոգում,  Թումանյանական օրերին կներկայացվեն ժողովածուի տեսքով:

Ճամփորդություն Թումանյանի տուն-թանգարան և Թումանյանի տիկնիկային թատրոնում ներկերով կերպավորելու թումանյանական հերոսներին։

Սովորողների հետ խոսեցինք տարվա եղանակների մասին՝ հատկապես անդրադարձանք աշնանը, խոսեցինք և ավելի մանրամասն ծանոթացանք աշնանային տարբեր երևույթների մասին։Նկարեցինք այդ երևույթներից մի քանիսը և ներկայացրեցինք Հովհաննես Թումանյանի <<Աշուն>> բանաստեղծությունը։

Մարտի 22-ին Հյուսիսային դպրոցի առաջին դասարանի սովորողները և 5-6 տարեկանների խումբը ուղևորվեցին Խամաճիկների թատրոն՝ դիտելու <<Անբան Հուռին և Անխելք մարդը>> ներկայացումը։Սովորողները <<Թումանյանական օրեր>> նախագծի շրջանակում ծանոթացել էին հեքիաթներին, զրույց-քննարկումներ էինք ունեցել երկու հեքիաթների շուրջ, այդ պատճառով անհամբեր սպասում էին ճամփորդությանը։

Ավելին տեսանյութում՝

Օրը՝ մարտի 22
Ժամը՝ 10:45-13:00

Մասնակիցներ՝ Հյուսիսային դպրոցի 1-ին դասարանի սովորողներ, «Իմացումի հրճվանք» ծրագրի 5-6 տարեկանների խումբ

Պատասխանատուներ՝ Սրբուհի Ներսիսյան, Մարի Միքայելյան, Քրիստինե Գրիգորյան

Օգնականներ՝ Ռոզա Մելիքյան, Սիրանուշ Պետրոսյան, Մերի Կարապետյան

Վայրը՝ Երևանի խամաճիկների պետական թատրոն

https://www.google.com/maps/embed?pb=!1m28!1m12!1m3!1d48772.49980643093!2d44.4478331249778!3d40.180554201656705!2m3!1f0!2f0!3f0!3m2!1i1024!2i768!4f13.1!4m13!3e6!4m5!1s0x406abde0b2098ead:0xebc0ae07c7b71ac3!2zNjkg1ZDVodaG1obVuNaCINaD1bjVstW41oEsINS11oDWh9Wh1bYsINWA1aHVtdWh1b3Vv9Wh1bY!3m2!1d40.1713093!2d44.440667999999995!4m5!1s0x406abd1fecf67477:0xdd03177e29af989c!2z0K3Qu9Cx0LDQutGP0L0g0KLQtdCw0YLRgCDQnNCw0YDQuNC-0L3QtdGC0L7QuiB8IMKr1LXWgNaH1aHVttWrINWt1aHVtNWh1bPVq9Wv1bbVpdaA1asg1brVpdW_1aHVr9Wh1bYg1anVodW_1oDVuNW2wrssIDQzINWE1aXVvdaA1bjVuiDVhNWh1bfVv9W41oEg1brVuNWy1bjVv9WhLCDUtdaA1ofVodW2LCDVgNWh1bXVodW91b_VodW2!3m2!1d40.1898379!2d44.5179824!5e0!3m2!1shy!2sus!4v1641693456556!5m2!1shy!2sus

Ներկայացում՝ «Անբան Հուռին»

Նպատակներ, խնդիրներ

• Ծանոթացում թատրոն, կինոթատրոն հաճախելու մշակույթին
• միասին ճամփորդելու հմտությունների զարգացում
• ներկայացման դիտում
• դիտելու, տեսածը պատմելու վերլուծելու հմտությունների զարգացում

Արդյունքը՝

Արդյունքում սովորողները կծանոթանան թատերական մշակույթի հետ, կդիտեն ներկայացումը, կկիսվեն տպավորություններով։