Տևողությունը — հուլիս, օգոստոս ամիսներ

Մասնակիցներ — Հյուսիսային դպրոցի «Իմացումի հրճվանք» ծրագրի երկրորդ դասարանի սովորողներ

Իրականացման վայրը — Ընտանեկան դպրոցներ

Նախագծի նպատակը և ընթացքը

Սովորողների մոտ ձևավորել ընթերցող լինելու, ներկայացնելու, հետազոտելու, ուսումնասիրելու և տարբեր նախագծերով ինքուրույն աշխատելու հմտություններ։

Իրականացման ընթացքը․

• Պատմի՛ր քո օրվա մասին։ Տեղադրի՛ր բլոգումդ և ուղարկի՛ր ուսուցչիդ, ընկերներիդ։
• Լուսանկարի՛ր քեզ դուր եկած օրվա մասը, գտնվելուդ վայրը, նոր բաները, որոնք նկատում ես քո շուրջը։
• Ընթերցանության համար ընտրի՛ր գրքեր և կարդա՛։

Ընթերցելուց հետո առանձնացնում ես մեկ հեքիաթ կամ գիրք, որը շատ ես հավանել, և այն ներկայացնում ես՝

• աուդիո կամ վիդեո տարբերակով. երբ գեղեցիկ ընթերցում ես (նաև դերային ընթերցմամբ) ու ձայնագրում-տեսագրում ես.
• գրում ես, թե կարդացածդ գիրքը, հեքիաթը ինչի մասին է, ինչու է այն քեզ դուր եկել, ինչու ես խորհուրդ տալիս, որ մյուսներն էլ կարդան: Այդ հեքիաթի կամ գրքի համար համակարգչային նկարչական ծրագրով նկար ես պատրաստում.
• Դուրս ես գրում  հեքիաթից քեզ դուր եկած հատվածները ու ձևավորում ես: /աշխատանքը միասին նայելու-քննարկելու ենք սեպտեմբերի առաջին շաբաթվա ընթացքում/
• Կարող ես հեքիաթի կամ գրքի հերոսին, հեղինակին նամակ գրել:
• Ընթերցածդ հեքիաթից, գրքից հավաքիր, գրանցիր բոլոր այն բառերը, որոնք ընթերցելիս չէիր հասկացել: Կարող ես մեծերի կամ բառարանի օգնությամբ գտնել քեզ անհասկանալի բառերի բացատրությունը:

Ամառային արձակուրդի ընթացքում առաջարկում եմ ընթերցել՝

«Տիգրան Հայրապետյան» գրադարանից ձեր ընտրած գիրքը, կամ այլ մանկական գրադարանից ընտրած գիրք
Հովհաննես Թումանյան «Հեքիաթներ»
Ջ. Ռոդարի «Հեքիաթներ հեռախոսով»
Ա. Ա. Միլն «Վինի Թուխ»

• «Ազգային խաղեր» ուսումնական նախագծով խաղեր կազմակերպի՛ր քո բակի ընկերների,  ընտանիքիդ անդամների հետ, ներկայացրու տեսանյութի տեսքով։

Ամառային արձակուրդի ընթացքում մեկնելով ճամփորդության քաղաքից, երկրից դուրս, կամ որևէ հանգստավայր, գյուղ, բարեկամ-հարազատների տուն, առաջարկում եմ պատմել ձեր ամառային ճամփորդության մասին: Պետք է իր մեջ ներառի՝ 

• տեղեկություններ տվյալ վայրի, տեղանքի մասին.
• այցելությունների, արկածների, առօրյայի, անսովոր ու սովորական դեպքերի, դիպվածների, հանդիպումների, ստացած տպավորությունների մասին պատում:

Աղբյուրը՝ Կարինե Խառատյանի բլոգից

Այս աշխատանքները ուղարկիր իմ էլեկտրոնային հասցեին՝ s-nersisyan@mskh.am

Խնդիրներ ամռան ընթացքում

՝«Քան» ակադեմիա ամրապնդում

Խաղերի փաթեթ

Երկրաչափական պատկերներ

Ուշադրությանը, հիշողության, տրամաբանության զարգացմանն ուղղված խաղեր

2-րդ դասարանի համար

Ուսումնական տեսանյութեր 2-ր դասարանի համար

• Գումարում ենք…
• Գումարում
• Ճանաչում ենք երկրաչափական պատկերները
• Հաշվում ենք ջրի տակ

Հաշվիր  1, 2, 3, 4, 5, 6, 7, 8, 9, 10, 11, 12, 13, 14, 15, 16,17

Առաջադրանքներ լուցկիներով

Գումարում 100-ի սահմանում

Հանում. 100-ի սահմանում

Գումարում — խճանկար 100-ի սահմանում

Հանում — խճանկար 100 -ի սահմանում

Մաթեմատիկական խաղեր

Ժամացույց

Շախմատ

Մուլտֆիլմեր և ֆիլմեր՝ 

1. Մանչուկն ու Կառլսոնը
2. Ջելսոմինոն խաբեբաների աշխարհում` առաջին մաս, երկրորդ մաս
3. Բրեմենյան երաժիշտները
4. Բուրատինոյի արկածները/ մուլտֆիլմ/
5. Երեք ընկույզ Մոխրոտի համար
6. Բուրատինոյի արկածները/ ֆիլմ/
7. Չարլին ու շոկոլադի գործարանը
8. Թոմ Սոյերի արկածները
9. Փոքրիկ արքայադուստրը

Աղբյուրը՝ Մանուշակ Աբրահամյանի բլոգից

Երաժշտական մուլտֆիլմեր

Աղբյուրը՝ Հասմիկ Մաթևոսյանի բլոգից

Ողջ ամռան ընթացքում գործելու է «Տիգրան Հայրապետյան» գրադարանը, կարող ես այցելել ու ընտրել գրքեր ընթերցելու համար /գրադանավար Նոնա Գրիգորյան, հեռ՝․ 077 404257/

«Ես չգիտեմ՝ երբ է ծնվել իմ մեջ նկարիչը։ Հնարավոր է այն օրերին, երբ ես լսում էի իմ ծնողների պատմությունները մեր լեռնային կախարդական ծննդավայրի մասին, երբ մանկիկ հասակում վազվզում էի տան շրջակայքով, ուրախանում բազմերանգ թիթեռներով և միջատներով։ Գույն, լույս, երազանք. ահա այն, ինչ ես երազել եմ։»։
Մարտիրոս Սարյան

«Գույներ և ազդեցությունններ» ուսումնական նախագիծն իր մեջ ներառում է արվեստի այն ճյուղերն ու ոլորտները, որոնց մեջ կարելի  է գույներ և հնչյուններ  տեսնել։ Նախագծի ընթացքում նախատեսվում է այցելություններ թանգարաններ, թանգարանների բաց ու ազատ հարթակներում ուսումնական նախագծեր իրականացնել։ 

Նախագծի մասնակիցներ — 1-3-րդ դասարանցիներ

Նպատակը
Սովորողների իմացած գիտելիքների զարգացում, ամրապնդում թանգարանային միջավայրում: Ստեղծագործական, հայրենագիտական,  աշխարհագրական, ճամփորդական գիտելիքների զարգացում, ամրապնդում:
Թանգարանների մասին տեղեկությունների հավաքում և ծանոթացում։
Սովորողների մոտ  թանգարանների այցելելու մշակույթի ձևավորում։

Խնդիրները
Գործունեության նախատեսում և իրականացում։
Խմբով աշխատելու կարողությունների զարգացում։

Նախագծի իրականացման նկարագրությունը
Նախապես տեղեկություններ ենք հավաքում ճամփորդության վայրի մասին: Օգտվում ենք հետևյալ հարցերից և կետերից

• Տեղեկություններ ճանապարհի մասին՝ տևողությունը, կանգառները, փողոցները
• Տեղեկությունների հավաքում այցելության վայրի մասին՝ թանգարանի մասին։
• Շրջայց թանգարանում:
• Նկարչական պերֆորմանս թանգարանում։
• «Հնչյուն և գույն»․ Կոմիտասն ու Սարյանը։
• «Նկարում ենք Փիրոսմանի», հայ-վրացական  համատեղ նախագծի  ընթացքում «Գույներ   և  հնչյուններ» նկարչական պերֆորմանս Հյուսիսային դպրոցում:

Ակնկալվող արդյունքները
Կոմիտասյան օրերին ընդառաջ այցելում ենք Կոմիտասի տուն-թանգարան, ծանոթանում ազգային նվագարանների հետ։
Ծանոթանում ենք թանգարանին: Ծանոթանում ենք սարյանական գույներին։ Նկարչական պլեներ-պերֆորմանս կազմակերպում Մ․ Սարյանի արվեստանոցում՝  կոմիտասյան հնչյուններով։

Արդյունքները․

Ստվերանկարչություն