Ամառային ճամբարային այց դեպի Pink Berry պաղպաղակի գործարան

Օրը՝ հունիսի 11

Ժամը 14.00-15.30

Մեկնում-12.50

Ժամանում-16.30

Մասնակիցները՝ Հյուսիսային դպրոց 3․1ջոկատ

Պատասխանատու՝ Սրբուհի Ներսիսյան

Օգնական՝ Տաթև Սնջոյան

Վայր՝ «Pink Berry» պաղպաղակի գործարան/ Կոտայքի մարզ, Ջրվեժ գյուղ
19-րդ թաղամաս, (Ջրվեժ համայնք)

https://yandex.com/maps/-/CPDS7PKQ

Փինք Բերրի.Պաղպաղակի գործարան

Նպատակներն ու խնդիրները

• Զարգացնել բանավոր հաշվելու, տրամաբանական մտածողության և արագ կողմնորոշվելու կարողությունները՝ խաղային, համագործակցային աշխատանքի միջոցով։
• Խթանել թիմային աշխատանքը։
• Աջակցել ճամբարականների ստեղծագործական ինքնարտահայտմանը՝ հնարավորություն տալով իրենց ձեռքով ձևավորել պաղպաղակները՝ ծանոթանալով նաև արտադրական տեխնոլոգիայի բաղադրիչներին։
• Ճամբարականների մեջ ձևավորել հետաքրքրություն արտադրական գործընթացների և սննդի արտադրության տեխնոլոգիաների հանդեպ։
• Մանուկների պաշտպանության օրվա շրջանակում ճամբարականների համար ստեղծել տոնական, ուրախ և հիշարժան միջավայր՝ ապահովելով քաղցր անակնկալ և հետաքրքիր ուսումնական ժամանց։

Նախագծի նկարագրություն

Ամառային ճամբարի շրջանակում ճամբարականները այցելելու են Pink Berry պաղպաղակի գործարան, որտեղ նրանց համար կազմակերպված է ինտերակտիվ խաղ-ներկայացում՝ կառուցված տրամաբանական հարցերի և մաթեմատիկական առաջադրանքների հիմքով։

Թիմային աշխատանքի շնորհիվ ճամբարականները ձեռք են բերելու բյուրեղներ, որոնց հավաքագրումն ունի կախարդական նպատակ. երբ թիմերը հավաքում են բավարար քանակություն, գործարանի շոկոլադե ցայտաղբյուրը «արթնանում է» և սկսում աշխատել։

Թիմային աշխատանքի ընթացքում ճամբարականները հաղթահարում են տարբեր խաղային առաջադրանքներ և հավաքում միավորներ, որոնք օգնում են բացահայտել «քաղցր անակնկալը»։

Այցի ընթացքում ճամբարականները ընտրում են պաղպաղակի տեսակը, սեփական ձեռքով շոկոլադապատում և զարդարում այն տարբեր հավելումներով, ապա համտեսում իրենց ստեղծած պաղպաղակը։

Սպասվող արդյունքները

• Ուսումնառական փորձի և էմոցիոնալ դաստիարակության հարստացում։
• Մաթեմատիկական մտածողության զարգացում իրական միջավայրում։
• Թիմային աշխատանքի հմտությունների ամրապնդում։
• Արտադրական մշակույթի մասին պատկերացման ձևավորում։
• Սեփական աշխատանքի արդյունքը տեսնելու և վայելելու հրճվանք։

• Սովորողի ճամփորդական ուսապարկում անհրաժեշտ իրեր՝
• ախտահանիչ միջոց
• գլխարկ
• անհատական շշով ջուր
• անձեռոցիկ
• միանգամյա օգտագործման ձեռնոց, աղբի պարկ