Նոյեմբերի 16-ին սովորողների հետ ուղևորվեցինք դեպի Արայի լեռ` Ծաղկեվանք:Մինչ ճամփորդությունը սովորողների հետ ծանոթացել էինք տեղանքի ավանդապատումներին:Սովորողները անհամբեր սպադում էին, թե երբ են տեղ հասնելու:Հասնելուն պես սկսեցին ուսումնասիրել լեռը, փորձեցին նմանեցնել Արա թագավորին, իսկ վանքը բարձրանալուն պես վանքի ներսում սկսեցին հավաքել լեռան ստորոտից թափվող ջրի կաթիլները:
Սովորողների նաև աշնանային ընթերցումներ կատարեցին և երգեցին Կոմիտասյան երգերը:
Սովորողների հետ նաև որոշեցինք քայլել անտառի միջով և մասուր հավաքել:Սովորողները մեծ հետաքրքրությամբ էին ուսումնասիրում մասրենիները:Հավաքած մասուրը կփաթեթավորենք և կներկայացնենք ուսումնական մառան նախագծի շրջանակում:
Անկախության 30-ն ամյակի առթիվ ըստ կրթահամալիրյան օրացույցի և ավանդույթի , մենք՝ մեծ և փոքր սեբաստացիներով՝ մայրիկներով, հայրիկներով և տատիկներով, որոշեցինք հաղթահարել Թեժառույքի բարձունքը։Ավելին մեզ հետ էին երկու ծոցվոր ծնողները, որոնցից մեկը շուտով լույս աշխարհ է բերելու երրորդ որդուն։Ծոցվորներին չկարողացա համոզել , որ հրաժարվեն ճամփորդությունից, քանի որ վճռական սեբաստացի մայրիկներ են։Նախապես սովորողների հետ խոսել և ծանոթացել էինք տեղանքի մասին։Սեպտեմբերի 25-ին ճամփա ընկանք։
Ճանապարհին արդեն իսկ երևում էր անտառային աշնանային գեղեցիկ տեսարանը։Հասնելուն պես նախաճաշեցինք և սկսեցինք բարձրանալ։Բարձունքը հեշտ չէր հաղթահարել, քանի որ նախորդ գիշեր անձրև էր եկել և հողը թաց էր։Այդ ամենը մեզ չխանգարեց, ընդհակառակը՝ օգնեց, որ մեկը մյուսին օգնելով և ոգևորելով բարձունքը հաղթահարեն։
Մեծ ոգևորությամբ հաղթահարեցինք բարձունքը, ծոցվորները՝ հատկապես։Վերևում սքանչելի տեսարան էր և աներևակայելի էներգիա կար եկեղեցու շրջակայքում։։Դրսում շրջան կազմեցինք, երգեցինք Կոմիտասյան երգերը և ներկայացրեցինք մեզ ծանոթ աշնանային ստեղծագործությունները։
Եկեղեցում սովորողները աղոթեցին և երգեցին այն հոգևոր երգերը, որոնք գիտեին։Սովորողները մեծ հետաքրքրությամբ էին ուսումնասիրում եկեղեցին, նրա պատերը, աղոթատեղին, շուրջը։
Եկեղեցուց դուրս գալուց հետո սովորողները նստեցին խոտերին,նկարեցին եկեղեցին և շրջակա միջավայրը։Այնուհետև խաղացին տարբեր խաղեր։Բարձունքը ավելի հեշտ և արագ կարողացանք իջնել, քանի որ հողը հասցրել էր չորանալ։
Ճանապարհի հետադարձին կանգ առանք Հրազդանի ջրամբարի մոտ, որը այլ կերպ անվանում են նաև Ծովինարի ջրամբար։Եվս մեկ գեղեցիկ տեսարան բացվեց մեզ համար։
Սովորողները հիացած էին։
Խոսեցինք ջրամբարի մասին, նկարվեցինք և ճանապարհ ընկանք։
Ճամփորդությունը շատ տպավորիչ էր և՛ սովորողների, և՛ ծնողների համար։
Ուսումնական ճամփորդություն դեպի Արզական․ Սուրբ Նեղուցի վանքի բարձունքի հաղթահարում
ուղի՝
Պատասխանատու՝ Մարի Միքայելյան, Սրբուհի Ներսիսյան Օգնական՝ Ֆենյա Արսենյան, Սիրանուշ Պետրոսյան
Նախագիծ — «Բարձունքի հաղթահարում» նկարչական պլեներ բարձունքից
Մասնակիցներ — Հյուսիսային դպրոց-պարտեզի 2․1, 2․3 դասարանի սովորողներ
Նախագծի իրականացման օրը — Սեպտեմբերի 1
Ճամփորդության վայրը — Ծաղկունյաց լեռ կամ Ալիբեկ լեռնագագաթ:
Նպատակը՝ Գիտելիքի օրն իրակացնել քայլք, օրն անցկացնել բարձունքին։ Ճամփորդելու միջոցով ճանաչել շրջակա միջավայրը, իր գործունեությամբ նպաստել շրջակա միջավայրի պահպանմանն ու բարելավմանը:
Կուսումնասիրենք տարածքը, կլուսանկարենք գյուղը բարձունքից։ Կիրականացենք էկո-քայլք եկեղեցու տարածքում, կմաքրենք տարածքը։ Կշարունակենք քայլքը ,կուսումնասիրենք տարածքը, կճաշենք, սովորողները կհանգստանան, կխաղան բակային խաղեր, դոմինո, մաթեմատիկական լոտո։
Խնդիրները` • Գործունեությանը նախապատրաստվելու կարողության ձևավորում • Թիմային /խմբով/ աշխատելու կարողությունների ձևավորում • Ընտանիքին ներգրավելով ուսումնական գործընթացին՝ դարձնել դրա մասնակիցը • Ճամփորդական, արշավային կանոնների յուրացում ու իրագործում • Շրջակա միջավայրի ուսումնասիրության արդյունքների ներկայացում, հրապարակում Ճամփորդության անհրաժեշտ պարագաներ
Հունիսի 6-ին Հյուսիսային դպրոցի 1․1 դասարանի սովորողները ծնողների հետ միասին Սուրբ Երրորդություն եկեղեցու բակից ճամփա ընկան դեպի Ծաղկունյաց լեռնաշղթայի փեշեր՝ Թուխ Մանուկ տանող բարձունք։
Սուրբ Երրորդություն եկեղեցու բակում հավաքվեցինք, նստեցինք երթուղիները և ճանապարհ ընկանք։ Մինչ հասնելը եղանք Տառերի պուրակում։ Սովորողները շատ ոգևորված էին,գտան իրենց անվան տառերը և սկսեցին լուսանկարվել։ Այնուհետև միասին երգեցինք և իրականացրեցինք Հաաբացիլ Կոմիտասի նախագիծը և աղբահավաքման աշխատանք կատարեցինք տարածքում։Կրկին ճանապարհ ընկանք, որպեսզի հաղթահարենք այդքան սպասված մեր բարձունքը։Մեր առջև բացվեց գեղեցիկ տեսարան, այդ բարձունքը մենք պետք է հաղթահարեինք և մեզ հաջողվեց։ Շատ հավեսով, միասնական , իրար հետ հաճելի զրուցելով հասանք բարձունքին։Եկեղեցու ներսում աղոթեցինք,երգեցինք մանուկների «Հայր մերը», իսկ բակում կոմիտասյան երգեր երգեցինք ու արտասանեցինք։Սովորողները բարձունքին նախաճաշեցին և նկարչական պլեներ իրականացրին։Այնքան հաճելի էր, որ չէինք ցանկանում իջնել բարձունքից։ Ամեն բան շատ հիանալի էր։Նույն հավեսով և ոգևորությամբ իջանք բարձունքից։ Տուն դարձի ճանապարհին եղանք նաև Սաղմոսավանքում, Շատ հագեցած և ուրախ օր ունեցանք։ Ավելին՝ տեսանյութերում։
Խմբով աշխատելու և ճամփորդելու կարողությունների ձևավորում և զարգացում
Մեդիահմտությունների զարգացում. փորձել օգտագործել նկարելու և լուսանկարելու կարողություններն ու հմտությունները
Նախագծի իրականացման ընթացքը (ընդհանուր նկարագրություն) Սովորողները` • Ծնողների և մեծերի օգնությամբ տեղեկությունների հավաքում բնակավայրի, բարձունքի մասին: • Ճամփորդական կանոնների են մշակում: • Տեղում հանրօգուտ աշխատանքի իրականացում: Նախագիծն իրականացվում է երեք փուլով՝ • Նախապատրաստում • Ճամփորդություն • Ամփոփում Նախապատրաստական փուլում սովորողների հետ համացանցից և այլ տեղեկատվական աղբյուրներից հավաքել տեղեկություններ բարձունքի մասին: Սովորողները պատրաստում են տեսանյութեր և ներկայացնում, թե ինչպես են պատրաստվում ճամփորդությանը (ճամփորդական կանոններ, հանդերձանք, ուսապարկի պարունակություն, բժշկական արկղիկ): Ծնողների, ուսուցչի օգնությամբ սովորողները նախապես ծանոթանում են եղանակի տեսությանը:
Ճամփորդության ընթացքում հաղթահարելով նախատեսված բարձունքը՝ ծածանել եռագույնը: Կատարել հանրօգուտ աշխատանք նշված վայրում: Ամփոփել «Համբարձման ծես» նախագիծը: Ճամփորդության ընթացքն ամփոփվում է ճամփորդության մասին պատումներով, ֆոտոպատումներով, տեսաֆիլմերով, որոնք կամփոփենք դասարանական բլոգում:
Նախապատրաստվել և քննարկման արդյունքում ձևակերպել բարձունք հաղթահարելու կանոններ՝ չընկճվել, պատրաստ լինել դժվարությունների և փորձել դրանք հաղթահարել, ուժ և ջանք գործադրել նպատակին հասնելու համար
Ուսումնասիրել, որոշակի տեղեկություն ունենալ /նախապես կամ հետո/ տվյալ բնակավայրի /գետեր, լճեր, սարեր, անտառներ/, պատմամշակութային շինությունների մասին/ եկեղեցիներ, վանքեր, հուշարձաններ/
Զարգացնել խմբով աշխատելու և ճամփորդելու կարողություններ
Նախապատրաստվել և ձևակերպել որոշակի կանոններ՝ օգնել ընկերոջը, քայլել արահետով, խմբից չառանձնանալ
Մեդիահմտությունների զարգացում. փորձել օգտագործել նկարելու և լուսանկարելու կարողություններն ու հմտությունները
2021թ. մայիսի 3-7-ըկրթահամալիրում կազմակերպվում է «Նորարարական մանկավարժության ծրագրերի իրականացում հանրակրթությունում» ծրագրի 2021թ. աշխատանքներով, կրթահամալիրի ուսումնական օրացույցով որոշված հեղինակային կրթական ծրագրի հեղինակների ամենամյա մայիսյան ստեղծագործական 16-րդ բաց հավաքը։
Ժամանակահատվածը՝ մայիս
Մասնակիցներ՝ Հյուսիսային դպրոցի 1.1դասարանիսովորողներ
Բարձունքը` Ծաղկունյաց լեռնաշղթայի փեշեր Թուխ Մանուկ եկեղեցու բարձունք ծովի մակարդակից 1970 մետր բարձրության վրա Օրը՝
Մասնակիցներ-Հյուսիսային դպրոցի 1․1 դասարանի սովորողներ, ծնողներ, դասավանդողներ Ճամփորդության երթուղին Երևան- Ապարանի հուշահամալիր- Լուսագյուղ-Թուխ Մանուկ Նպատակը և խնդիրները
Բարձունքի հաղթահարում
Ճանաչել և ուսումնասիրել տվյալ տարածքը, բնակավայրը, պատմամշակութային շինությունները, եկեղեցիները և այլն
Զարգացնել բարձունք հաղթահարելու կարողությունները
Նախապատրաստվել և քննարկման արդյունքում ձևակերպել բարձունք հաղթահարելու կանոններ՝ չընկճվել, պատրաստ լինել դժվարությունների և փորձել դրանք հաղթահարել, ուժ և ջանք գործադրել նպատակին հասնելու համար
Զարգացնել ճանաչողական և տեղեկատվական նյութեր հավաքագրելու կարողություններն ու հմտությունները
Ուսումնասիրել, որոշակի տեղեկություն ունենալ /նախապես կամ հետո/ տվյալ բնակավայրի /գետեր, լճեր, սարեր, անտառներ/, պատմամշակութային շինությունների մասին/ եկեղեցիներ, վանքեր, հուշարձաններ/
Զարգացնել խմբով աշխատելու և ճամփորդելու կարողություններ
Նախապատրաստվել և ձևակերպել որոշակի կանոններ՝ օգնել ընկերոջը, քայլել արահետով, խմբից չառանձնանալ
Մեդիահմտությունների զարգացում. փորձել օգտագործել նկարելու և լուսանկարելու կարողություններն ու հմտությունները
Սեպտեմբերի 21-ին՝ Անկախության օրը,1․1 դասարանի սովորողները իրենց սեբաստացիական ընտանիքներով հաղթահարեցին իրենց առաջին բարձունքը` «Մաշտոցները»: Օրը սկսվեց ջերմ և ոգևորիչ տրամադրությամբ:Բոլոր սովորողներն ու ծնողները անհամբեր էին, անհամբեր էի նաև ես:Հանդիպեցինք Սուրբ Երրորդություն եկեղեցու բակում և ուրախ տրամադրությամբ ճամփա ընկանք:Օրվա տրամադրությունը արդեն իսկ պարզ էր:Կանգ առանք Հրազդան գետի ակունքին․չքնաղ մի վայր, որտեղ իսկ նախաճաշեցինք, և սովորողները կատարեցին իրենց առաջին միասնական շրջակա միջավայրի խնամքը:Այդ ամենին մասնակցում էին նույնիսկ ամենակրտսեր ապագա սեբաստացիները:Երկրորդ կանգառը եղավ Սևանի Սուրբ Հրեշտակապետ եկեղեցու մոտ, որտեղ աղոթեցինք, մոմ վառեցինք և հավեսի թևով ճամփա ընկանք: Ճանապարհը շարունակեցինք էլ ավելի բարձր տրամադրությամբ` վստահ, որ բարձունքը միասին հաղթահարելու ենք ` առանց տրտնջալու: Էդպես էլ եղավ․ բոլորը թռչնի թևով բարձրացան և հաղթահարեցին բարձունքը: Սեբաստացիական ընտանիքները մեկը մյուսի հետևից,իրար օգնելով բարձրացան Մաշտոցներ:Ոգևորությունը աննկարագրելի էր սեբաստացիական ընտանիքների մոտ: «Մաշտոցներ» բարձունքում սովորողներին կրկին ծանոթացացրինք տեղանքի անվան պատմությանը:Բարձունքում ամփոփեցինք Կոմիտասյան օրերը` ներկայացնելով «Արևների շարքը»: Միասին ներկայացրինք մեր սովորած ստեղծագործությունները, և բոլորս միասին շնորհավորեցինք Անկախության օրը: Ոգևորությունը այնքան մեծ էր, որ հոգնածություն ընդհանրապես չէինք զգում: Հաջորդ կանգառը Սևանի Հանրային լողափն էր, որտեղ որոշեցինք թաթիկանկարչություն անել և, ինչպես տիար Բլեյանը ասաց, կարծես թե օծման արարողություն արեցինք` մեր գունավոր թաթիկները Սևանի ջրում թաթախելով և Սևանը գունավորելով:Օրվա տպավորություններն ու հիշողությունները անմոռանալի են:Կեցցե՜ն բոլոր սեբաստացիական ընտանիքները:Շնորհակալ եմ գեղեցիկ օրվա համար:Կսպասենք հերթական ճամփորդությանը։
Հյուսիսային դպրոցի 3.1 դասարանի սովորողների մեդիատարածք 