Այսօր Հյուսիսային դպրոցում «Մուտք կրթահամալիր» 6 տարեկանների ճամբարի 3-րդ օրն էր:

Օրը սկսեցինք անգլերեն պարապմունքով:Ընկեր Անժելան ճամբարականներին սովորեցրեց ներկայացնել իրենց անունները անգլերեն լեզվով, այնուհետև խաղային քարտերով ներկայացրեցին նաև մասնագիտությունները:

Այսօր ամբողջությամբ սովորեցինք և ներկայացրեցինք Աթաբեկ Խնկոյանի«Աքաղաղն ու կտուրը» բանաստեղծությունը:

Այնուհետև ընկեր Հասմիկի հետ ռիթմիկ վարժություններ արեցինք ձեռքերով, ներկայացրեցինք «Խնկի ծառը» և «Զնկլիկ օրոճ» երգերը, որոնք ճամբարականներն այս երկու օրերի ընթացքում բավականին լավ յուրացրել էին:

Նախաճաշելուց հետո ճամբարականները ծանոթացան նաև ընկեր Կարինեի հետ, ռուսերեն լեզվով ներկայացրեցին իրենց անունները և հաշվեցին մինչև 10-ը:

Օրը ավարտեցինք մայրիկների համար անակնկալ պատրաստելով:Ընկեր Տաթևի հետ ճամբարականները գեղեցիկ ծաղկային բացիկներ պատրաստեցին և մեծ ոգևորությամբ նվիրեցին մայրիկներին:

Այսօր Հյուսիսային դպրոցում «Մուտք կրթահամալիր» 6 տարեկանների ճամբարի 2-րդ օրն էր:Ճամբարականները այսօր արդեն ավելի վստահ`միջավայրը և ուսուցիչներին ճանաչելով, ուրախ տրամադրությամբ դպրոց էին եկել:

Քանի որ եղանակը բարենպաստ էր, օրը սկսեցինք բակում և կրկին «Բարև, ես եմ…» խաղով, որպեսզի ընկերների անուններն ավելի լավ հիշենք:

Այնուհետև ընկեր Հասմիկի հետ սովորեցինք նոր երգ` «Զնկլիկ օրոճ» երգը, երգեցինք այն, վերհիշեցինք նախորդ օրը սովորած «Կռունկները» բանաստեղծությունը:

Այսօր նաև ծանոթացանք Աթաբեկ Խնկոյանի «Աքաղաղն ու կտուրը» բանաստեղծությանը, սակայն ամբողջությամբ դեռ չենք սովորել, կշարունակենք սովորել վաղը:

Իհարկե ընթացքում ճամբարականները նախաճաշեցին և մեծ ոգևորությամբ պատրաստվեցին հաջորդ գործունեությանը` մարզական պարապմունքին:

Մարզական պարապմունքի ընթացքում ընկեր Տաթևի հետ կատարեցինք նախավարժանք և օրն ամփոփեցինք ուրախ գնդակախաղերով: